Do 03-10-2025 ao 04-10-2025

Xornadas sobre a custodia do territorio | Pontevedra

O Concello de Pontevedra impulsa, dentro do proxecto GreenGap (Interreg España–Portugal), unhas Xornadas sobre a Custodia do Territorio organizadas por ADEGA para o próximo venres 3 e sábado 4 de outubro en Pontevedra, cuxo obxectivo pasa por poñer en valor as experiencias de colaboración entre entidades, administracións e comunidades locais na conservación do patrimonio natural e cultural.

Durante dous días, contaremos en Pontevedra cun espazo de encontro e reflexión a través dunha mesa redonda con diferentes iniciativas de custodia, así como cun taller práctico que nos permitirá coñecer sobre o terreo experiencias inspiradoras no concello.

VENRES 3 DE OUTUBRO · MESA REDONDA
Lugar: Pazo da Cultura (Seminario 2, 1ª planta)
Horario: 18:00 – 21:15 h

Co título “A Custodia do Territorio, participar para conservar”, esta mesa redonda achegará á veciñanza e ás entidades socioambientais de Pontevedra unha panorámica diversa de proxectos de custodia, desde o ecoloxismo ata as experiencias das comunidades de montes e de propietarios particulares.

Programa

• 18:00 · Café de benvida
• 18:30 · Apertura institucional
  • Xaquín Moreda, Concelleiro de Medio Ambiente de Pontevedra
  • María R. Lafuente, ADEGA
• Mesa redonda (modera: María R. Lafuente, ADEGA)
  • Ramsés Pérez (ADEGA): A custodia do territorio desde o ecoloxismo
  • Carmela Alfonso Leiro e Susana Trigo Arcos (IES Pontecaldelas, CCMM de Cuñas, CFEA de Lourizán e A Rente do Chan): Proxecto Monte Vivo
  • José Justo Vázquez, representante da Comunidade de Montes do Couto da Eirexiña
  • Marcial Barral, representante da familia propietaria de Zarra da Pena
• 20:30 · Preguntas e debate
• 21:00 · Peche da sesión

👉 Realizarase unha cata e sorteo de produtos de custodia agraria.
👉 A participación é gratuíta, mais require inscrición previa ata o 1 de outubro.

SÁBADO 4 DE OUTUBRO · TALLER PRÁCTICO
Lugar: Rebordelo e Almofrei
Horario: 10:00 – 14:00 h

O taller “A Custodia do Territorio na práctica” está pensado para coñecer directamente experiencias de custodia do territorio no concello, con percorridos guiados e un tempo para degustar produtos locais.

Programa

• 10:00 · Punto de encontro: Pavillón de Deportes de Pontevedra
• 10:15 · Saída en autobús cara a Rebordelo
• 10:30 · Presentación e visita guiada a Rebordelo
• 12:00 · Descanso con petiscos: Saborear a custodia do territorio
• 12:30 · Visita guiada ao río Almofrei
• 14:00 · Remate da actividade e xantar

👉 O desprazamento realizarase en autobús, con inscrición previa ata o 1 de outubro.

INSCRICIÓNS

Inscríbete neste formulario antes do 1 de outubro: bit.ly/xornadaspontevedra