Do 17-10-2024 ao 18-10-2024

Xornada teórico-práctica sobre especies exóticas invasoras

ADEGA organiza o xoves 17 de outubro e o venres 18 unha xornada teórico-práctica sobre especies exóticas invasoras no CIFP A Granxa de Ponteareas. 

Sesión teórica (17 de outubro): de 9:30 a 11:30h con alumnado do CIFP.
Sesión práctica (18 de outubro): en xornada de mañá (9:30 a 14:30h), visita á zona de actuación no río Tea dentro do Proxecto Fluviatilis, identificación de especies exóticas invasoras e plantación de árbores autóctonas na ribeira do Tea como acción de conservación do medio fluvial e loita contra as invasións biolóxicas na zona.

Proxecto Fluviatilis

As actividades de educación, sensibilización e educación ambiental dirixidas a diferentes públicos, incluídos os centros educativos, son unha das propostas do proxecto Fluviatilis, que conta co apoio da Fundación Biodiversidad do Ministerio para a Transición Ecolóxica e o Reto Demográfico (MITECO) no marco do Plan de Recuperación, Transformación e Resiliencia (PRTR), financiado pola Unión Europea - NextGenerationEU.