Inicio / Axenda / Outras actividades / Andaina polos 100 anos do Seminario de Estudos...
12-10-2023
O vindeiro 12 de outubro fanse 100 anos da creación do Seminario de Estudos Galegos. É unha data para lembrar... Cando ninguén miraba con agarimo o patrimonio da nosa Terra, eles fixérono.
A Rede do Patrimonio coas súas entidades, entre as que está ADEGA, adhírese a unha marcha que percorrerá aquela saída inicial que fixeron de Santiago ata a casa de Ortoño onde se criou Rosalía de Castro.
O Museo do Pobo Galego, o Consello da Cultura Galega, a Real Academia Galega, a Real Academia Galega organizan a andaina Santiago-Ortoño que rematará cun acto institucional no castro de Ortoño.
O percorrido cadra xoves, que é feriado, e terá unha lonxitude de 12 km, con dificultade técnica baixa. O tempo estimado é de 3,5 horas, a ritmo de marcha cómoda, facendo algunha parada breve nos puntos de interese patrimonial e paisaxístico.
Despois dun acto institucional á chegada, haberá romaría para todas as persoas concorrentes. Para o regreso a Santiago habilitarase un servizo de transporte público.Se non se quere quedar á romaría a 1 km do lugar de finalización hai paradas de buses que soben a Santiago (en Bertamiráns).
Para participar na marcha requírese inscrición previa a través do seguinte formulario:
http://www.museodopobo.gal/gl/node/733
Rógase anotarse o antes posible para que as organizadoras podan estimar adecuadamente as necesidade do roteiro en función do número de participantes.
A xente da Rede do Patrimonio agruparémonos onda a porta dos Leóns do paseo da Alameda. Prégase puntualidade.
Andamos polo Seminario de Estudos Galegos, andamos polo noso Patrimonio!
ANDAINA
ADEGA / Asociación para a defensa ecolóxica de Galiza
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email: adega@adega.gal
