Artigos de Outros. Revista CERNA, medio ambiente e ecoloxismo da man de ADEGA
Lino González - Dopeso
Lino é concelleiro con José López Orozco desde as eleccións municipais de Maio do 2003. Médico de profesión e moi querido polos seus pacientes, pola súa cordial e minuciosa maneira de practicar a medicina, mantén a súa afección polas motos e unha peculiar imaxe, semellante á dun mariñeiro, que o afasta do prototipo habitual de político. Segundo afirma, a súa preocupación polo medio ambiente só se ve superada polo espírito solidario, o que o leva a substituír as vacacións por traballo voluntario en países en vías de desenvolvemento. Como Concelleiro de Medio Ambiente, propúxose tres obxectivos principais para Lugo: "mellorar a calidade da auga potábel, mellorar o contorno da Muralla e as zonas verdes, e conseguir unha cidade máis limpa".
CERNA Nº 41 - Especial: Urbanismo
Páx. 16
CERNA
A voz dolorida e trascendente de Gómez Alfaro (I)
Emilio Xosé Insua
CERNA Nº 41 - Especial: Urbanismo
Páx. 41-42
Presentamos a un fecundo autor galego, nado en Ribadavia no ano 1949. Este poeta constrúe os seus versos a través da descrición do mundo natural, enfiando preciosas imaxes, o que fai da súa obra un chamamento ecoloxista, manifeste no entanto unha presenza continua e salientábel de ingredientes relacionados coa realidade medioambiental.
A voz dolorida e trascendente de Gómez Alfaro (II)
Emilio Xosé Insua
Páx. 49-50
Achegámonos no anterior número de CERNA, aos dous primeiro poemarios en galego de Gómez Alfaro. Proseguiremos agora coa mesma intención xeral, o noso repaso á traxectoria do poeta ribeirao, non sen antes advertir que nos resultou imposible a consulta de dous dos seus poemarios: Os ciclóns do sino (1997) e Pasos cara á alba (2000), malia que cremos que resultarán tan interesantes coma os aquí analizados.
Matías, barqueiro de neboreiros
Anxo Moure
CERNA Nº 44 - Ríos: non máis encoros
Páx. 38-39
Contan antigas e fermosas lendas das montañas, que aqueles que aman a terra, ben sexa os ríos, bosques, mares... ata o máis diminuto musgo e liquen, os que en vida aman a natureza, nunca morren. Cando teñen que partir deste mundo convértense en barqueiros dos neboeiros encargándose un e outro día de protexer aqueles lugares que un día tanto quixeron, e de convencernos a todos para que non lles fagamos máis dano. Esta é a historia dun daqueles barqueiros dos neboreiros, chamábanlle Matías.
Lorenzo Varela: As dores nunca curadas do exilio (I)
Emilio Xosé Insua
CERNA Nº 44 - Ríos: non máis encoros
Páx. 40-42
Poucas figuras como a de Lorenzo Varela, autor a quen se lle dedica hogano o Día das Letras, encarna de maneira tan viva e tráxica o drama existencial da intelectualidade galega e española que perdeu a guerra do 36 contra o fascismo e andou despois, durante longas décadas, polo camiños do transterro a lamber sen consolo tal ferida. Promotor de revistas, crítico de arte, xornalista e activista cultural, Varela escrebeu en castelán e, menos, en galego, unha obra fundamentalmente poética na que, como tentaremos por aquí de manifesto, non faltaron ecos e visión das paisaxes nativas e olladas amantes sobre a natureza e sobre algúns dos seus elementos.
Mara, abella da terra brava
Anxo Moure
CERNA Nº 45 - Entrevista e Manuel Vázquez conselleiro de Medio Ambiente
Páx. 44-45
Raíña, quero ser gaivota! Que dis filla. Raíña, quero ser gaivota! Pero ti que dis Mara, se ti es abella! Raíña quero ser gaivota!... así un día e outro, a pequena Mara pedía á Raíña ser gaivota.
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal