Artigos de Contaminación. Revista CERNA, medio ambiente e ecoloxismo da man de ADEGA
Nunca máis
Rafa Villar
Páx. 9
"Dous anos de Prestige, dous anos de Nunca Máis" foi o lema que enmarcou a nova mobilización en Compostela tras o que se seguen a esixir solucións e xustiza para Galiza. Con este chamamento pretendíase poñer de relevo a imposibilidade de pasar páxina ante esta catástrofe ambiental ao tempo que se chamaba a atención sobre as consecuencias - e as necesarias actuacións sobre as mesmas- tras esta catástrofe. Coma plataforma "Nunca Máis", continuará coa súa presión sobre os poderes públicos tal e como concluíu na súa Asemblea do 17 de Decembro.
A papeleira de ENCE: un "caramelo"
Carmen da Silva
Páx. 10
ENCE a través do seu principal socio, Caixa Galicia, eran plenamente conscientes de que o BNG non ía renunciar á recuperación da ría. Esta consciencia levounos, en primeiro lugar, a realizar unha multimillonaria e agresiva campaña para tentar que o BNG non renovase a alcaldía nas eleccións do 2003. Non o conseguiron. Deste xeito cada vez se atopaba máis lonxe a consolidaciónde ENCE - ELNOSA en Lourizán, con todas as forzas do goberno local en contra. Nace así por parte da Xunta, a Declaración da Incidencia Supramunicipal do complexo pasteiro e a solicitude de desafectación dos terreos que ocupan na actualidade. A primeira foi recurrida polo Concello e a segunda non foi aceptada polo Ministerio de Medio Ambiente. Analizamos o caso.
Marea verde
Adela Figueroa
CERNA Nº 45 - Entrevista e Manuel Vázquez conselleiro de Medio Ambiente
Páx. 32-33
Agricultores e acuicultores en concorréncia. Estamos asistindo á aparición dun grave problema de contaminación xeral das augas. Chámanlle "marea verde", e refírese á excesiva proliferación de algas nas zonas costeiras, que afogan o crecemento e normal desenvolvemento dos seres vivos costeiros. Esta proliferación dase en certas rexións planetarias coma poden ser os fondos interiores das rías en xeral, mais na costa de Francia constitúe un grave problema porque provoca perdas na biocenose dos ecosistemas costeiros e grandes custos económicos.
ENCE: fora da ría!
Antón Masa
Páx. 30-32
Antón Masa, presidente da Asociación pola Defensa da Ría de Pontevedra (APDR) interviu na lección inaugural da Asemblea Xeral de ADEGA para facer unha revisión histórica deste movemento ecoloxista desde a súa aparición tras o levantamento do complexo ENCE na cidade do Lérez ata a actualidade. Definiu o nacamento de APDR, coma a resposta ao fin dos prexuízos ambientais que se derivaron desde a instalación do complexo.
A mina de Touro-O Pino, de macrovertedoiro a megaexplotación mineira
Xan Louzao e Fins Eirexas
Páx. 20-23
En 1973 comezou a explotación da mina pola empresa Río Tinto, que continuou ate 1986. Abandonada a actividade, os terreos ficaron sen restaurar, contaminando fortemente as augas subterráneas e superficiais, como ten demostrado ADEGA a través de sucesivas analíticas –a última en decembro de 2017- nas últimas tres décadas. A partir de 2000, a mina utilizouse para o depósito de enormes cantidades de residuos, aparecendo entón a contaminación do aire polos fortes cheiros xerados. A esta situación, sumábase hai un ano a solicitude de reapertura da explotación mineira baixo o nome comercial “Cobre San Rafael S.L.”. O novo proxecto, impulsado pola actual concesionaria Explotaciones Gallegas, S.L, xunto coa multinacional chipriota Atalaya Mining, pretende extraer cobre en toda a extensión que ten concedida até o ano 2068, que abarca máis de 2.000 Has (20 km2), partindo o concello de Touro en dous e ocupando tamén parte de O Pino. A oposición veciñal á mina foi medrando segundo se foron coñecendo os pormenores do proxecto nun contexto administrativo pouco transparente. Agora saen á luz informes sectoriais das diferentes consellarías, previos á declaración de impacto ambiental, que aínda reafirman máis a oposición á mina.
DOSIER CERNA: Celulosas de Pontevedra:30 anos de degradación ambiental
Redacción/CERNA
Páx. 19-26
As celulosas incrementan gravemente a perigosidade ambiental das augas das rías de Pontevedra. Moitas zonas destas rías teñen unha contaminación de tipo fundamentalmente microbiolóxico e bacteriano e noutras súmaselle unha forte presenza de mercurio e outras substancias nos sedimentos provocadas polas celulosas.
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal