Páx. 36-39
A Custodia do Territorio móstrase como unha ferramenta eficaz para mellorar o estado de conservación dos espazos naturais de Galicia. Neste artigo, mostramos os traballos realizados nas Insuas do Miño e os Ollos de Begonte, situados no LIC Parga-Ladra-Támoga e na Reserva da Biosfera de Terras do Miño. A xestión do territorio, a investigación e a divulgación dos valores ambientais da zona son os pilares nos que se finca o proxecto.
CERNA Nº 78 - ILP: Unha nova lei forestal
Páx. 43-45
O oso pardo en Galicia pasou de ser declarado practicamente desaparecido hai 40 anos a ser hoxe un visitante habitual de moitos montes galegos. Porén, a situación da especie no conxunto da Cordilleira Cantábrica segue sendo de grave risco de extinción. En Galicia segue sen consolidarse un núcleo reprodutor. É necesario renovar o vixente Plano de Recuperación do Oso Pardo na Comunidade, que data de 1992, para abordar e actualizar os retos que a conservación da especie e do seu hábitat necesitan.
CERNA Nº 77 - Abonda xa de eucalipto!
Páx. 31-33
ADEGA elabora un informe sobre a situación e a conflitividade do lobo en Galiza que trata de desmentir determinados mitos e crenzas falsas que atinxen a esta especie única e emblemática na Península Ibérica, como a súa suposta sobrepoboación no noso territorio, a necesidade das batidas, ou a influencia económica dos seus ataques no sector gandeiro galego. O documento tamén sinala solucións para evitar o conflito social xerado e o discurso “antilobo”. Entrevistamos ao principal autor do informe, Martiño Nercellas, biólogo e Vogal de Biodiversidade en ADEGA.
CERNA Nº 77 - Abonda xa de eucalipto!
Páx. 34-35
Preguntamos ás voceiras e voceiros parlamentarios que opinan sobre a situación actual do lobo en Galiza e sobre as propostas que fan para mellorar a súa xestión e evitar a conflitividade.
CERNA Nº 77 - Abonda xa de eucalipto!
Páx. 36-39
Actualmente, en Galicia pódense observar tres especies de aves necrófagas, todas elas pertencentes á Familia Accipitridae(Orde Falconiformes). Dúas delas, o voitre leonado (Gyps fulvus) e o voitre negro (Aegypius monachus), non son reprodutorasa día de hoxe, e compórtanse como especies dispersivas ou migrantes en territorio galego. O voitre branco (Neophron perc-nopterus), pola contra, si é reprodutora estival, se ben é moi escasa e as súas áreas de nidificación están moi localizadas enGalicia. O incremento da presenza dos voitres negro e leonado no noso territorio e a delicada situación de conservación anivel mundial do voitre branco fan necesaria unha revisión do seu estatus de conservación legal en Galicia, así como a apli-cación de medidas activas de conservación e avaliación da evolución destas tres especies.
Páx. 17-18
O proxecto de explotación dunha canteira de caliza a ceo aberto na Serra da Enciña de Lastra ameaza dito espazo dun xeito claro. O MOPT, a través da Dirección Xeral de Política Ambiental e en cumprimento da normativa vixente, iniciou un período de consultas para a avaliación do impacto ambiental desde proxecto de explotación.