Inicio / Números anteriores / CERNA Nº 77 - Abonda xa de...
Artigos da revista CERNA Nº 77
Recursos 77
Ramsés Pérez
Páx. 4
Se estás interesad@ en que divulguemos na revista galega de ecoloxía e medio ambiente CERNA algún libro, CD, revista, película, documental, etc., ponte en contacto con nós no seguinte enderezo electrónico: ramses@adega.gal, indicando ‘Recursos Cerna’. Consulta as nosas recomendacións desta edición.
COUSA DE RAÍCES, rede plural en defensa do bosque autóctono
Fins Eirexas
Páx. 6-9
A rede “Cousa de Raíces” naceu en 2014 co obxectivo de defender o noso bosque através do seu coñecemento e posta envalor. Unha manchea de persoas e colectivos de moi diferentes eidos xuntámonos para devolverlle ao bosque o valor queten, a todos os niveis, ambiental, económico, social, cultural, paisaxístico, etc. Cun discurso en positivo, “Cousa de Raíces”busca amosar as moitas iniciativas que existen no país compatíbeis coa conservación dos nosos bosques. Busca rachar asícoa “omertá”, a lei do silencio, que decretou a industria do eucalipto.
As denuncias contra o eucalipto ilegal chocan contra a Administración
ADEGA-Lugo
Páx. 10-13
No último ano e medio, ADEGA mantivo unha constante e frenética actividade de denuncia de plantacións e talas ilegais que nos últimos tempos están a proliferar descontroladamente en todo o país. Destaca a provincia de Lugo con máis casos de irregularidades, potenciados posibelmente polo anuncio da Xunta do polémico “Decreto do eucalipto” que, en teoría, pretende limitar as novas plantacións coa variedade nitens en preto dunha ducia de concellos lucenses. Porén, o único que conseguiu até o momento este decreto foi un efecto rebote ou de protesta que discorre en dirección totalmente contraria ao obxectivo para o cal supostamente está concibido. O resultado das 300 denuncias que ADEGA-Lugo presentou no último ano e medio indica que a Xunta non ten vontade de facer cumprir a lexislación actual de montes e, moito menos, de limitar o eucalipto no territorio galego.
Influencia dos monocultivos de eucaliptos nos ecosistemas fluviais
Adolfo Cordero, Alba Martínez e Maruxa Álvarez
Páx. 14-17
A cantidade, estacionalidade e calidade (composición específica) das follas e doutros restos vexetais son os factores máis relevantes nocontrol do funcionamento enerxético dos ríos. Follas de baixa calidade ou difíciles de procesar, como as dos eucaliptos, afectannegativamente as comunidades dos regatos forestais. Un estudo dos usos do solo en 16 regatos afluentes do río Lérez mostra que adiversidade de macroinvertebrados aumenta co tamaño da bacía e do bosque autóctono, o cal está relacionado negativamente coa coberturade eucaliptos. A diversidade e riqueza de macroinvertebrados diminúen a medida que aumenta a superficie de eucaliptos, tal e comopredicía a teoría ecolóxica.
Carta aberta a intelectuais frívolos e cientistas irresponsáveis
Adela Figueroa Panisse
Páx. 18-19
O 22 e 23 de julho, ADEGA visitou a zona zero da grande desgraça incendiária de Portugal. No presente artigo, uma das pessoas visitantes, Adela Figueroa, relata sua experiência pessoal em terras queimadas do país vizinho.
Faixas de protección do patrimonio no monte
Antón Bouzas e Colectivo A Rula
Páx. 20-23
Os incendios forestais do verán de 2016 afectaron gravemente a moitas áreas de petróglifos galegos. Este rico patrimonio cultural está enserio risco de desaparición, así como os miles de castros e mámoas espalladas polos nosos montes, que tamén están en estado deabandono. Neste artigo faise unha proposta de creación de faixas de protección que implicaría a salvagarda da meirande parte do Patrimoniogalego que hai nos nosos montes e que desmente a idea de que este reto é inviable no noso país.
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal