Inicio / Números anteriores / CERNA Nº 50 - CERNA x 50,...
Artigos da revista CERNA Nº 50
Lector@s e colaborador@s opinan de CERNA, do ecoloxismo e da situación ambiental en Galiza
Belén Rodríguez e Manuel Soto
Páx. 20 – 24
Con motivo da publicación do número 50 de CERNA, mais tamén co obxectivo de pulsar unha opinión diversa sobre a situación ambiental nun momento en que a problemática se agudiza, e a pouco máis dun ano do cambio de goberno na máxima instancia administrativa e política galega, recadamos a testemuña de dez expertos e expertas pertencentes aos máis diversos eidos de actividade social, mais todos eles preocupados e implicados na problemática ambiental e lectores ou colaboradores desta revista. Velaquí o panel: Uxía Senlle, artista, portavoz de Nunca Máis. Paloma Fernández, concelleira en Caldas de Reis, membro da Coordi-nadora antiencoro de Caldas, Cuntis e Moraña. Marta Álvarez Santullano, concelleira en Santiago de Compostela. Manuel Antonio Fernández, profesor de ensino medio, experto en educación ambiental. Carlos Vales, director do CEIDA,experto en educación ambiental. Francisco Díaz Fierros, catedrático de edafoloxía (USC). María García, experta en xestión ambiental, ecoloxista. Xesús Pena Espiña, Xerente de Alvarella Ecoturismo SL. Anxo Moure, educador ambiental,contacontos, ecoloxista. Manuel Vázquez, conselleiro de medio ambiente da Xunta de Galiza. A todos eles e elas fixémoslle as seguintes preguntas: 1. Como valora a situación medio-ambiental galega? 2) Díganos 2 ou 3 problemas no eido ambiental que máis lle preocupan 3) Qué papel xoga ou deberían de xogar os/as ecoloxistas0? 4) Qué opina da revista CERNA?De seguido van as respostas, en moitos casos necesariamente resumidas.
Sumario dos nº 26 ao 50
Redacción
Páx. 25 – 31
Sumario da Revista Cerna dende o nº 26 ao 50, que corresponden ao período 1999-2006. Nestes anos CERNA publicou 25 números e un total de1168 páxinas: preto de 200 páxinas de actualidade e actividades ecoloxistas, máis dunha vintena de entrevistas, unha ducia de dosiers e suplementos, e máis de 300 artigos.
A alma de CERNA en 50 números
Xesús Pereiras
Páx. 32
Se a cara é o espello da alma, nunha revista a imaxe de portada é o reflexo do seu contido.Nunha revista como CERNA, na que se mostra a situación ambiental de Galiza, poderíase analizar a situación do medio ambiente no noso país a través das súas imaxes de portada. Diso se encarga Xesús Pereiras, quen fai unha análise da revista a través das súas capas.
Os lumes de agosto. Especial incendios 2006
Antón Bouzas
Páx. 34 – 37
O ciclo natural do lume resulta abraiante en Galiza debido a súa gran produtividade vexetal, moi superior aquí que no resto de España. Pero a situación de abandono que sofre o noso monte e a plantación indiscriminada dunha especie especialmente pirófita como é o eucalipto, provoca que o ciclo de lumes se acurte e se repita cada poucos anos. Antón Bouzas é biólogo e asesor ambiental do concello de Ames e neste artigo fala das causas e das consecuencias que traen consigo a falta de responsabilidade política á hora de elaborar un modelo territorial
O fume dos incendios forestais. Riscos para a saúde. Especial incendios 2006
Luís Díaz Cabanela
Páx. 38 - 40
Os lumes, ademais de seren un desastre ecolóxico, son tamén un risco para a saúde. Luís Díaz Cabanela é médico e Vogal de Saúde Ambiental de ADEGA, neste artigo explica a composición das partículas contidas nos fumes dos incendios forestais e como afectan a saúde e á contaminación atmosférica ademais das precaución a tomar nas proximidades dos incendios.
Ecoloxistas, científicos, políticos e sectores sociais buscan solucións
Belén Rodriguez
Páx. 41 – 45
O pasado 20 e 21 de outubro, ADEGA organizou unhas xornadas en Santiago de Compostela para debater sobre a problemática dos incendios en Galiza. As xornadas contaron coa colaboración do Museo do Pobo Galego, a Consellaría de Medio Rural e a Consellaría de Medio Ambiente. Recoñecidos investigadores das universidades galegas, ecoloxistas, asociacións de propietarios, expertos en rexeneración ambiental, sociólogos, sindicatos agrarios e políticos analizaron as causas e as consecuencias de máis de corenta anos de lume en Galiza e, especialmente, da última vaga de incendios sufrida no noso país. A xuntanza acolleu a todos os sectores implicados na problemática do lume e conseguiu encher o aforo da sala de conferencias do Museo do Pobo Galego, demostrando unha vez máis que os incendios son un problema que preocupa e atinxe a toda a sociedade galega.“A mobilización integral e moral das mellores enerxías do país”, foi como Suso de Toro definiu o encontro organizado por Adega, no acto de inauguración. O escritor galego referiuse á importancia da relación que mantivemos os galegos e galegas co monte nas diferentes épocas da historia, nas que “nunca deixamos de identificarnos coa terra, a pesares das nosas contradicións; por iso, cando falamos de monte queimado, tamén falamos das queimaduras do noso corpo”.
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal