Están matando raposos por diversión

Colectivo Loita Raposa

CERNA Nº 90 - Consumo crítico

Páx. 44-45

O cuestionamento da necesidade da caza é cada vez maior entre a sociedade actual, que amosa a súa claraoposición ante eventos coma os Campionatos de Caza do Raposo que se celebran cada ano en Galiza. Polacontra, a administración segue a privilexiar e subvencionar o sector cinexético e a limitar o dereito a protestar ea desfrutar dos espazos naturais ao resto da poboación.

Nin tan verdes nin tan sociais: así nos mente a industria da moda

Uxía Iglesias / Redacción Cerna

CERNA Nº 90 - Consumo crítico

Páx. 11-14

Nin tan "verdes" nin tan "sociais". As grandes marcas de moda como Inditex, Primark ou H&M méntennos cando nos din que son sustentables. O colectivo de investigación Carro de Combate en colaboración coa campaña Ropa Limpia presentou neste verán de 2023 un informe1 da autoría da xornalista Brenda Chávez no que deixa ao descuberto os numerosos "lavados de reputación" da industria da moda, a segunda máis contaminante do mundo. Revista Cerna fala con ela para debullar os resultados.

Análise estratéxica da xestión da Rede Natura 2000 en Galiza

Antón Fernández Piñeiro

CERNA Nº 90 - Consumo crítico

Páx. 26-29

A Rede Natura 2000 é a ferramenta máis importante para a conservación da biodiversidade a nivel europeo. Nacida hai máis de trinta anos a partir das directivas Aves e Hábitats, esta rede coherente de espazos naturais protexidos non está libre de atrancos. A través dunha análise dos principais elementos que dificultan a súa aplicación, no presente artigo estudamos o paradigmático caso da implementación da Rede Natura en Galiza. Finalmente, ofrecemos unha serie de claves que axuden a comprender a complexidade dos conflitos socioecolóxicos que existen arredor da Rede Natura.

Fauna de Galiza: a lagarta travestida

Xosé Salvadores Covas

CERNA Nº 90 - Consumo crítico

Páx. 46

Da horta á mesa… utopía ou realidade?

Eva Quiroga e Raquel Gómez

CERNA Nº 90 - Consumo crítico

Páx. 8-10

O xeito en que se producen, distribúen e consomen os alimentos implica diversas consecuencias sociais, ambientais e sanitarias. O sistema alimentario globalizado baséase na produción alimentaria industrial, alimentos quilométricos e fóra de tempada, con elevado emprego de agroquímicos, elevada pegada de carbono e hídrica, etc. Estes impactos varían en escala e en dimensión, segundo sexa a forma de producir e de consumir. Para poder cuantificalos debemos ter en conta o modo en que son producidos os alimentos, os quilómetros que percorren desde a produción ao consumo, a maneira de transportalos, o desperdicio, o seu nivel de transformación e procesado, se son produtos de estación, etc.

Consumo crítico. Cara a unha transformación colectiva na era globalizada Galiza

Marta Pérez Freire

CERNA Nº 90 - Consumo crítico

Páx. 5-7

O presente artigo trata de facer unha aproximación aos conceptos básicos do activismo a través do consumo, da súa importancia, do contexto e da necesidade de que a transformación pretendida veña da man dun movemento colectivo e solidario.