Buscador
Microplásticos no ecosistema mariño: orixe, impacto e xestión
Mónica Cano Cano, Andrea Rodríguez Montes e Sandra Trigo García
CERNA Nº 85 - Especial Vaga Eólica I
Páx. 21-23
Os hábitos de produción e consumo actuais provocan a acumulación de residuos plásticos nos ecosistemas a un ritmo alarmante. A presenza de microplásticos no medio mariño representa un problema especialmente grave debido ao seu pequeno tamaño e ubicuidade. Estas partículas poden ser facilmente inxeridas pola fauna, ao tempo que absorben e concentran compostos tóxicos presentes na auga circundante, transferíndoos á cadea trófica. Todo isto evidencia a necesidade urxente de atopar solucións eficientes que permitan xestionar a contaminación por microplásticos.
Bioconstrución e edificios pasivos dentro da transición enerxética
Ángela Martínez Lago e Divina Pérez Viña
CERNA Nº 85 - Especial Vaga Eólica I
Páx. 25-28
Os impactos ambientais da construción e do uso dos edificios son moi altos. Fronte a edificación convencional, a bioconstrución é unha forma respectuosa co medio ambiente e a saúde das persoas. Busca a eficiencia nun sentido amplo. Recentemente, aprobouse un cambio normativo que afecta á obra nova e segue uns criterios similares nas rehabilitacións polo que se tende aos inmobles de baixo consumo de enerxía. En paralelo, as administracións están a promover a rehabilitación enerxética de edificios para facer fronte á crise climática. Estas actuacións deben ter unha visión global e atender a todos os impactos ambientais para que se traduzan nunha mellora real na calidade das edificacións e na redución das emisións de carbono.
Educación ambiental na defensa da bacía alta do Río Miño
Gabriel Pereiro López
CERNA Nº 85 - Especial Vaga Eólica I
Páx. 31-34
A conca alta do Miño abrangue o transcurso do río dende o seu nacemento ata a súa confluencia co Sil. Cunha minuciosa observación de dito ecosistema pódese adquirir unha formación ambiental vital. Hoxe en día parte do leito e ribeira do Miño goza de especial protección; non obstante, son moitas as pequenas accións que se poden levar a cabo, tanto por parte da cidadanía a título individual, como por parte das administracións implicadas, para mellorar dita contorna natural e dar un salto cuantitativo na súa protección e defensa.
Mina de Touro-O Pino, unha historia interminable
Xoán Louzao
CERNA Nº 85 - Especial Vaga Eólica I
Páx. 29-30
A historia da mina de Touro-O Pino é un claro exemplo do que significa unha actividade económica espoliadora e insustentable. Xera beneficio, que non queda alí onde se desenvolve, durante un período de tempo curto e deixa uns prexuízos que son permanen-tes no tempo e, eses si, quedan onde se xeran.
Acerca da Fosa Atlântica. E dos eólicos. Da cooperaçâo ou a competencia
Adela Figueroa Panisse
CERNA Nº 85 - Especial Vaga Eólica I
Páx. 35-36
As grandes vitorias são sempre produto da cooperação dos elementos mais vitais da sociedade. Um exemplo foi o da Moratória para os vertidos nucleares no Atlântico, conseguido pola ação conjunta de diferentes associações e partidos galegos e a cumplici-dade dos sindicatos ingleses que se uniram na luta pola salvação dos oceanos.
Vaga Eólica. A necesidade doutro modelo eólico para Galicia
Rosa Mª Regueiro Ferreira
CERNA Nº 85 - Especial Vaga Eólica I
Páx. 38-39
Galicia estivo inmersa nun modelo de desenvolvemento eólico intensivo desde comezos da década dos 90 do pasado século. Tras unha sucesión de variada normativa, constatouse unha actuación extremadamente produtivista e unha situación de case invisibilidade para os propietarios dos terreos, entre outros axentes. Na actualidade, estase a desenvolver un proceso intenso de solicitude de instalación de parques eólicos, que aumenta a falta de aceptación social para con estas instalacións. Neste artigo faise unha reflexión sobre os elementos que debería ter un novo modelo eólico para Galicia, para garantir os beneficios que pertencen a todos os actores implicados e gañar en aceptación social, minorando o impacto ambiental.
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal