Buscador
Lumes: o peor ano dos espazos protexidos
Fins Eirexas
CERNA Nº 66 - Espazos protexidos, baixo mínimos
Páx. 10-11
Un incencio fortestal, independentemente da súa orixe, degrada valiosos solos que tardan milleiros de anos en formarse, perdéndose grande parte da súa fertilidade. Increméntase tamén o risco de erosión, favorecendo a escorrentía e diminuíndo a infiltración da auga, chave para o subministro de moitas poboacións. Nos primeiros 15 días do pasado mes de outubro, os lumes de Ourense arrasaron 10909 Ha só en 4 espazos protexidos da Rede Natura.
Territorio e urbanismo: o caso Barreiros
Belén Rodríguez
CERNA Nº 66 - Espazos protexidos, baixo mínimos
Páx. 12-13
Así se titularon as charlas que ADEGA e o Colexio de Arquitectos de Lugo organizaron o pasado mes de outubro na cidade das murallas para incitar o debate sobre a problemática urbanística de Barreiros. As charlas dividíronse en dúas sesións. A primeira estivo centrada no “Urbanismo e Arquitectura”, na que participaron o ex Director Xeral de Urbanismo, Ramón Lueje; o presidente do Colexio de Arquitectos en Lugo (COAG), Raúl Veiga, e o voceiro de ADEGA, Daniel López Vispo. A segunda mesa, titulada “Urbanismo e Dereito”, acolleu as análises xurídicas de Fernando de Abel Vilela e Alba Nogueira, ambos os dous profesores de Dereito na Universidade de Compostela, e de Xosé Luis Sanmiguel, secretario do COAG en Lugo.
Eira da Xoana: A república ecolóxica do Alto Ulla
Xosé Salvadores
CERNA Nº 66 - Espazos protexidos, baixo mínimos
Páx. 15
Un ano de actividades continuadas converteron as instalacións que ADEGA ten en Ramil, a chamada Eira da Xoana, nun centro de dinamización do Alto Ulla, pero entendedo que foi algo mais. Mais dun milleiro de visitas nun ano cunhas infraestructuras mínimas e situadas no mesmo corazón de Galiza requiriron dun esforzo prolongado, constante e moi entregado por parte dalgúns socios e socias que, co seu traballo voluntario, fixeron posíbel semellante travesía. Do que fixemos neste primeiro ano dá conta o balance de actos que promovemos ou nos que estivemos presentes.
A necesidade dunha alianza a prol do noso rural
Xabier Bruña
CERNA Nº 67 - O lume: dono dun monte desleixado
Páx. 10
Tanto as políticas europeas de desenvolvemento rural como a Xunta de Galicia esqueceron a función social do rural. Neste contexto, catro organizacións – ADEGA, CIG, FAUGA e ORGACCMM – vimos de poñer en marcha as bases dunha rede chamada “Alianza por un rural galego vivo”. Esta alianza comezou a súa andaina en Poio o 21 de Abril de 2012 (día da Terra) cunhas xornadas nas que se analizaron experiencias do desenvolvemento rural. Esta Alianza ten como finalidade logran un medio rural multifuncional e sustentábel , responder todo tipo de agresións e formular novas iniciativas.
Xornadas por un medio rural galego vivo
Belén Rodríguez
CERNA Nº 67 - O lume: dono dun monte desleixado
Páx. 11-12
Xuntar os esforzos de entidades e particulares que traballan en Galiza pola defensa dun futuro para o medio rural galego foi o obxectivo das “Xornadas por un medio rural galego vivo” celebradas os días 20 e 21 de abril en Pontevedra e Poio, respectivamente.Este propósito quedou reflectido na sinatura dunha “Alianza polo rural” entre ADEGA, a Confederación Sindical Galega (CIG), a Federación Rural Galega (FRUGA) e a Organización Galega de Comunidades de Montes en Man Común (ORGACCMM), presenciada por unhas 200 persoas. A Alianza queda aberta a adhesións doutras entidades que traballen a prol da reactivación do rural, tendo en conta o seu carácter multifuncional (social, ambiental e económico).
I Feira de produtos naturais e artesáns na Eira da Xoana
Marga Miguens
CERNA Nº 67 - O lume: dono dun monte desleixado
Páx. 14-15
O pasado domingo 18 de Marzo, ADEGA organizou a I Feira de produtos naturais e artesáns na Eira da Xoana (Ramil, Agolada). Ao redor de 500 persoas pasaron unha agradábel xornada de mercado, gozando da contorna e degustando diferentes produtos á vez que aprendían a facer cestos, utensilios de barro ou colonias. Pola tarde realizaronse xogos tradicionais para os máis cativos e unha mesa redonda sobre alimentación para os maiores. Ao final da feira foron sorteadas entre os consumidores tres cestas de produtos ecolóxicos e artesáns cedidos de balde polos produtores.
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal