Buscador
CO2 emisións e almacenamento
Xoán Ramón Vidal Romaní
CERNA Nº 62 - O lixo en Galiza: Máis incineración?
Páx. 18 - 19
Nos últimos anos, cando se comezan a ver as primeiras causas do cambio climático, comezase a investigar posibles formas de capturar todo ese CO2 emitido a atmosfera. Existen moi diversos métodos para lograr este fin, e Galiza pode ter varias posibilidades, máis non debemos consentir que, Galiza como a principal produtora de enerxías limpas: hidroeléctrica e eólica, ás que se lle pode engadir a solar xa que é a principal produtora de España de silicio, non ten porque converterse no acubillo de industrias sucias e contaminantes nin na exportadora neta, quer de enerxía, quer dun dos materiais máis necesarios para facer paneis fotovoltaicos.
A paisaxe e a biodiversisade
Francisco Javier López González
CERNA Nº 62 - O lixo en Galiza: Máis incineración?
Páx. 20 - 23
Ninguén dubida da relación entre estes dous conceptos, aínda que é conveniente matizala para ver como a evolución dunha delas afecta ao desenvolvemento da outra. Para iso, é imprescindíbel establecer unhas definicións, das múltiples que se poden dar, que permitan identificar o problema que se describirá neste artigo: que a evolución da paisaxe, neste caso, en Galiza, está a contribuír a unha diminución da biodiversidade no noso país.
O cormorán grande, vitima ou verdugo?
David Álvarez e Ignacio Munilla
CERNA Nº 62 - O lixo en Galiza: Máis incineración?
Páx. 24 - 25
O descenso nas capturas de salmóns nos ríos asturianos nos últimos tempos, deron lugar a que este colectivo cargase contra o cormorán grande como o culpable, esta especie que estivera durante 50 anos considerada como especie en perigo de extinción, deixou de estalo, debido a estas presións e a un claro aumento no número de individuos que ten a especia, no ano 2005 comezaron a permitirse descastes, morreron centos de individuos da especie e tras observar a cantidade de salmón que comeran, comprobouse que o salmón non superaba o 7 % de media nas aves asasinadas. Ante esta situación os pescadores deberían darse conta de que as causas das baixadas nas capturas non son estas aves, o máis probable e que os propios humanos sexan os culpables do descenso dos salmóns nos ríos.
Efectos do Prestige sobre os ecosistemas
Victoriano Urgorri
CERNA Nº 62 - O lixo en Galiza: Máis incineración?
Páx. 26 - 28
O desastre do Prestige foi unha das peores catástrofes que viviu o noso país, incrementada por unha nefasta xestión do desastre ao meter o buque no centro da borrasca, creando así esa inmensa mancha que acadou todo o litoral galego. Os efectos inmediatos foron claros e puidéronse ver os centos de aves que morreron nun espazo de tempo, pero non se ven os efectos que inda hoxe hai no litoral, e o peor e que a situación podería pasar en calquera momento outra vez. Ademais disto, inda que pareceu que o desastre espertou unha alta conciencia ambiental na sociedade, non podemos dicir o mesmo da administración xa que a contaminación das rías galegas incrementouse exponencialmente dende o Prestige.
Os centros de investigación mariña en Galiza
Alexandre García Regueira
CERNA Nº 62 - O lixo en Galiza: Máis incineración?
Páx. 29 – 30
A moita contaminación que leva sufrido, as inxentes cantidades de recursos que extraemos, os moitos metros que lle levamos gañado..., fannos crer que o mar pode con todo, pero non é certo. Hoxe xa non se pesca coma antes e é moi difícil atopar franxas de costa que non estean humanizadas. Estes son sen dúbida síntomas de que a nosa relación co mar non está a ser respectuosa. A investigación pode darnos os medios para evitar que a situación empeore. Unha mellor comprensión dos procesos que teñen lugar nel, unha xestión sustentábel dos recursos ou unha mellora na xestión de residuos son aspectos que a investigación pode e debe axudar a aplicar no mar.
O gas radón nas vivendas galegas.
Xoán Miguel Barros Dios
CERNA Nº 62 - O lixo en Galiza: Máis incineración?
Páx. 32 - 35
O radón é un gas radioactivo de orixe natural que emana do radio que á súa vez provén do uranio presente nas rochas graníticas e que, segundo a Organización Mundial da Saúde, é responsábel de entre o 3% e o 14% das mortes por cancro de pulmón. É por isto, polo que se quere dispor no Estado español dun mapa de radón que sinale, fundamentalmente, as zonas xeográficas cun alto nivel de radiación. En Galiza as medicións lévanse a cabo pola Universidade de Santiago de Compostela, baixo a coordinación do director do Laboratorio de Radón de Galiza, Xóan Miguel Barros Dios. O profesor desvela a través deste artigo algunha das particularidades deste gas tan frecuente en Galiza, como descoñecido.
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal