Os días 18, 19 e 20 de outubro tivo lugar en León o I Congreso Ibérico "Restauraríos". Durante estes días, analisaronse as ferramentas e experiencias na restauración de ríos, en particular a minimización dos riscos das enchentes. Tratáronse aspectos técnicos, obxectivos ambientais, aspeitos xurídicos e de ordeamento territorial, así como a participación social e o voluntariado. ADEGA participou coordenando o obradoiro "Participación pública na restauración de ríos: repto adicional para a xestión tradicional dos ríos no estado" xunta cos compañeiros/as da FNCA (Fundación para a Nova Cultura da Auga).
|
Ler máis...
|
|
Compostela, setembro de 2011. Por cuarto ano consecutivo o Proxecto Ríos e ADEGA organizan a cuarta limpeza simultánea en ríos o domingo 2 de outubro. A participación nesta actividade vai en aumento e nesta xeira realizarase en 39 puntos diferentes distribuidos por 37 concellos e coa colaboración de 47 asociacións. Participarán máis de 500 persoas e dende o Proxecto Ríos consideramos que a crecente implicación e concienciación da cidadaníada é un factor decisivo para a conservación dos nosos cursos fluviais. O Proxecto Ríos fornece aos voluntarios/as do material axeitado, seguros, asesoramento técnico, coordenación e un protocolo para realizar unha limpeza ecolóxica. MÓLLATE POLOS NOSOS RÍOS!
|
Ler máis...
|
Compostela, 21 de setembro de 2011. A instalación dunha área de compostaxe comunitaria en San Sadurniño ampliará o número de veciñas e veciños que composta os seus residuos orgánicos. Este xoves 22 ás 19.00h, é a data elixida para a instalación da área de compostaxe comunitaria no concello de San Sadurniño. O proxecto promovido por ADEGA e apoiado polo propio concello conta co financiamento da Consellería de Medio Ambiente, Territorio e Infraestruturas. A finalidade é desviar parte dos residuos orgánicos con destino ao contedor verde das rúas, cara un composteiro de 1.400 l de capacidade. No seu interior, introducindo tamén restos vexetais procedentes de xardíns e parques, darase o proceso aerobio de descomposición que terá como resultado a obtención de compost.
|
Ler máis...
|
14 de setembro de 2011. A IV Limpeza Simultánea “Móllate polos ríos” celebrarase este 2 de outubro en 31 concellos de toda Galiza, e participarán mais de 30 entidades (asociacións, comunidades de montes, ecoloxistas, delegacións de ADEGA, ANPAs…) e 10 concellos que organizan directamente esta actividade. Algúns destes grupos xa participaron na limpeza do ano pasado e outros son participantes no Proxecto Ríos ou no Proxecto de Custodia Fluvial Ulla-Umia-Lérez. Este 2 de outubro numerosos voluntarios e voluntarias desprazaranse aos ríos destes 31 concellos para deixalos libres de lixo, nunha xornada de voluntariado ambiental e concienciación social. A limpeza conta co financiamento de C. H. Miño-Sil, e dos concellos de Arbo, Arzúa, Caldas de Reis, Cambre, Carral, Santiago de Compostela, Cuntis, Fene, Lalín, Muxía, Ordes, Ourense, Pontecesures, Pontevedra, Redondela, San Sadurniño, Pobra de Trives e Valga.
|
Ler máis...
|
9 e 10 de xullo. O programa de itinerarios que dende o Proxecto Ríos "Roteirríos" está adicado este ano á restauración fluvial. Para esta segunda saída desprazarémonos até a comarca d'O Bierzo. Alí visitaremos o proxecto de restauración que o CIUDEN (Fundación Ciudad de la Energía) está a facer no pobo de Tremor e coñeceremos o Centro CIUDEN Vivero que esta mesma entidade adica ao cultivo de prantas para repoboar as canteiras recuperadas. O domingo realizaremos un roteiro no Val do Seo e celebraremos o Big Jump 2011, iniciativa global en defensa dos ríos dándonos un baño... ou mollando os pes.
|
Ler máis...
|
|
|
|
<< Inicio < Anterior 1 2 3 4 5 6 7 8 9 10 Seguinte > Final >>
|
Páxina 6 de 14 |