Campo de voluntariado ambiental do río Tea contra as invasoras

A vindeira xeira do campo de voluntariado ambiental no río Tea será estes 27, 28 e 29 de maio e dará continuidade aos campos de voluntariado que levan celebrándose dende o 2007. Durante este tempo temos actuado sobre diferentes especies de invasoras na ribeira do Tea, no treito que vai desde os Pasos de Tatín até Ponte Cernadelas. Traballaremos sobre Acacia dealbata e Acacia melanoxylon, falsa acacia (Robinia pseudoacacia) e pequenas matas do falso bambú (Phyllostachys spp.) ademáis da Conyza canadensis, a tintureira (Phytolacca americana), o garrapatón (Bidens frondosa) e a Tritonia x crocosmiflora. Esta quenda está financiada pola Confederación Hidrográfica do Miño-Sil.

Para a realización destas xornadas o voluntariado contará con material apropiado (traxes e botas de auga, ferramenta, guías de campo, etc.) así como un seguro de responsabilidade civil e de accidentes colectivos. O aloxamento como doutras veces será no albergue Alentea, que se encontra ubicado en Barciademera (O Covelo) en réxime de pensión completa (almorzo, xantar e cea), onde estaremos durmindo o venres 28 e sábado 29. Para o desprazamento do sábado contaremos cun autobús.

A programación é a seguinte:

VENRES	mañá		tarde
			19:00 h	Recepción (albergue)
			19:30 h	Presentación do PR
			20:00 h	Presentación e Formación do Programa do Tea
			21:00	Cea
			22:00	Tempo de lecer
SÁBADO	mañá		tarde
	09:00	Almorzo	16:30-20:00		Traballos de campo
	10:00-13:30	Traballos de campo	20:30		Regreso ao albergue
	14:00	Xantar	21:00		Cea
	15:00-16:30	Descanso	22:00		Roteiro nocturno
DOMINGO	mañá		tarde
	10:00	Almorzo	16:30-18:00	Itinerario guiado
	10:30-13:30	Posta en común e avaliación	18:30	Volta
	14:00	Xantar