|
 A Coruña, 13 de marzo de 2013. Dadas as repercusións que no ambiente e na sociedade pode ter o aproveitamento dos recursos mineiros, e perante a crecente conflitividade que estes proxectos están a xerar, ADEGA, a CIG, a FRUGA e ORGACCMM, organizacións integrantes da Alianza Rural Galega, vimos de elaborar o documento “MANIFESTO POLO APROVEITAMENTO SUSTENTÁBEL DOS RECURSOS XEOLÓXICOS E CONTRA A MINARÍA CONTAMINANTE”. Trátase de conquerirmos un amplo acordo social arredor dunhas condicións mínimas para garantir un aproveitamento racional dos recursos mineiros, rexeitando determinadas práticas e establecendo criterios para salvagardar os ecosistemas e o noso medio rural. Convidamos a todos os colectivos sociais, políticos, asociacións e plataformas de afectados a participar neste proceso, debater as propostas e incorporalas a xeito de mínimo común que permita dar unha resposta global en clave galega á grave ameaza que a minaría contaminante supón para o noso medio rural. Documento do  MANIFESTO (0,3 MB)
|
|
Ler máis...
|
|
|
 A chuvia non desanimou aos voluntarios e voluntarias que o pasado sábado 9 de marzo se deron cita en Cuntis para levar a cabo a limpeza dos lavadoiros fluviais. Esta actividadade enmárcase no proxecto de Creación dunha rede de custodia fluvial nas bacías do Ulla Umia e Lérez desenvolvida por ADEGA, financiado con fondos LEADER polo FEADER, o Ministerio de Agricultura, Alimentación e Medio Ambiente. A Asociación O Fervedoiro de Cuntis colabora con ADEGA dentro deste proxecto na bacía do Umia, desenvolvendo a súa iniciativa: Arredor da Auga, centrada na recuperación do patrimonio etnográfico vencellado ao curso do río Gallo na vila de Cuntis. Podes ver fotos da xornada no álbum de Picasa.
|
|
Ler máis...
|
 6 de marzo de 2013. Unha delegación galega integrada por membros da Comisión Promotora da ILP, convidada polo BNG e o grupo Verdes-ALE do Parlamento Europeo, vai participar na conferenza "ZERO WASTE" que reunirá en Bruxelas este 7 e 8 de marzo a organizacións de todo o mundo. Tátase de partillar experiencias e artellar propostas para conqueirir unha incineración/vertido CERO á hora de tratar os nosos refugallos. Neste evento no que imos debater sobre as políticas europeas de xestión de residuos, amosaremos tamén a catastrófica xestión dos residuos de SOGAMA en Galiza e apresentaremos aos asistentes e ao comisario de medio ambiente Janez Potocnik a ILP galega que vén de colleitar o apoio de máis de 21.000 sinaturas. |
|
Ler máis...
|
|
 26 de febreiro de 2013. O Limnoperna securis (mexillón pigmeo negro) orixinario de Nova Zelandia, está xa nas rías galegas. Rexistrado por primeira vez na ría de Vigo en 2005, en poucos anos saltou á de Pontevedra e a súa presenza na de Arousa só é cuestión de tempo. O seu impacto sobre o ecosistema das rías e o sector mexilloeiro pode ser importante, xa que é máis adaptábel (salinidade, temperatura), coloniza máis ambientes e compite polos recursos co mexilón autóctono. Non é a única especie exótica e invasora mariña que chegou a Galiza nos últimos anos, favorecida pola globalización do comercio mundial, o cambio climático e o escaso control das administracións: Algas, moluscos e mesmo peixes tropicais están xa presentes nas nosas augas. Á perda de biodiversidade que provocan únese a ameaza que sobre o sector marisqueiro e a economía das rías poden ter organismos como mexilón pigmeo. Investir na conservación das nosas rías é hoxe máis importante que nunca!
|
|
Ler máis...
|
|
 A introdución de especies exóticas invasoras é, despois da destrución de hábitats, a ameaza máis importante na perda de biodiversidade e unha das principais causas de extinción de especies autóctonas. ADEGA organizou unha actividade de voluntariado ambiental en colaboración coa Asociación para a Defensa do Val do Liñares o pasado sábado 16 de febreiro de 2013, contando coa colaboración do concello de A Estrada.
FOTOS DA XORNADA
|
|
Ler máis...
|
|
 11 de marzo de 2013, cabodano de Fukushima. Dous anos despois e cun balanzo de 28 millóns de metros cadrados contaminados, 160.000 persoas evacuadas, 250.000 millóns de dólares gastados, a ruina económica e o desarraigamento para milleiros de familias, a pegada de Fukushima tardará en esvaecerse centos de anos, literalmente. Son as consecuencias dun sistema corrupto que protexe ás empresas por riba das persoas e persiste en promover a enerxía nuclear hipotecando a saúde do planeta polo beneficio económico. E cando chega un accidente, as perdas pagámolas todos/as: Tepco, a empresa propietaria dos reactores de Fukushima non puido facer fronte aos gastos e crebou. O governo xaponés nacionalizouna, socializando as perdas, que pagou o pobo. Sónavos de algo? Aínda así, Xapón xa ten máis centrais nucleares en proxecto... A enerxía nuclear é demencial e criminal! No cromo, os efectos dun "Xoveshima", un accidente nuclear na planta que Fenosa quixo construir en Xove no 1973. |
|
Ler máis...
|
O vindeiro domingo 28 de abril o Proxecto Ríos organiza o primeiro Roteirríos 2013 desta volta destinado a coñecer iniciativas de Custodia Fluvial. A ruta aberta a toda a cidadanía pero con prazas limitadas percorrerá o novo tramo de pesca sen morte creado ao abeiro do Proxecto de Creación dunha rede de Custodia fluvial nas bacías do Ulla Umia Lérez. Iniciativa de ADEGA financiada con fondos LEADER polo FEADER, o Ministerio de Agricultura, Alimentación e Medio Ambiente e o AGADER que se desenvolve no Grupo de Desenvolvemento Rural número 20, nos concellos de Forcarei, Cuntis e A Estrada. Máis info e inscricións: Ramsés Pérez 616 238 050
Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo
Podes descarregar o cartaz eiquí. |
|
Ler máis...
|
 22 de febreiro de 2012. Ao fío dun recente informe da OMS sobre o impacto da polución atmosférica na saúde que conclúe pedindo a UE que endureza a lexislación e estableza valores máis estritos para os contaminantes atmosféricos, ADEGA ven de analisar os resultados da contaminación por partículas nas vilas e cidades galegas durante o pasado ano. Os resultados amosan que as vilas galegas, malia a estaren dentro dos límites legais en canto a emisión de partículas (con algunhas excepcións), superan ampla e maioritariamente os valores recomendados pola OMS para a protección da saúde. A que esperan pois as administracións para ir tomando medidas? Avance informe PARTÍCULAS 2012 (Ramón Varela Díaz) |
|
Ler máis...
|
|
 19 de febreiro de 2012. En 2011 descubriuse para a ciencia a única poboación continental peninsular de Linaria arenaria, unha pequena planta dunar coñecida como "paxariños". Foi en Aguiño (Ribeira), perto da punta de Couso, onde por certo se ubica un polígono industrial e está previsto construir a nova depuradora de Ribeira. Até o de agora, as únicas poboacións desta especie en Galiza atopábanse nas illas (Arousa, Ons e Sálvora). Malia ao singular desta poboación continental, a que a especie está catalogada como "en perigo de extinción" e a que a zona na que apareceu pertence á Rede Natura 2000 (LIC Complexo Húmido de Corrubedo), toda á área dunar teoricamente protexida é utilizada como circuito improvisado de motos e quads. Estas actividades están eliminando a morfoloxía dunar (hábitat prioritario) e arrasando coa vexetación (especies ameazadas e en perigo de extinción) perante a pasividade da Xunta.
|
|
Ler máis...
|
|
|
|
|
<< Inicio < Anterior 1 2 3 4 5 6 7 8 9 10 Seguinte > Final >>
|
|
Páxina 9 de 64 |
Subscribir a fonte RSS