Adega
INICIO Actividades

ADEGA - Ordes/Cerceda

Calendario de eventos Email help
Flat View
Ver ano
Vista Mensual
Ver mes
Weekly View
Ver semana
Daily View
Ver hoxe
Categories
Ver categorías
Search
Buscar
Roteiro de ADEGA-Lugo por Santo Estevo do Ermo
Domingo, 25. Marzo 2012, 09:00

fervenza_barreirosO vindeiro domingo 25 de marzo, ADEGA Lugo realiza outro roteiro no marco dos roteiros 2011-2012 adicados á Galiza Máxica. Desta volta, iremos ao concello de Barreiros, cuxos montes de litoral agochan varias lendas de personaxes lexendarias (bispo Maeloc ou o Apóstolo Santiago) e de ritos máxicos en fontes, capelas ou fervenzas. O roteiro será duns 13 quilómetros e de dificultade medio-baixa.
O autobús partirá desde Lugo, desde a Facultade de Formación de Profesorado ás 9 horas (pola hora nova, tras o cambio horario!).
Descarrega o Cartaz

O roteiro partirá das fermosas praias de Barreiros de Remior e Anguieira, e tras bordear a Ría de Foz, chegaremos a chamada Lagoa dos parrulos. Alí colleremos camiño das Eiras (lugar de San Cosme de Barreiros) polas que se sube até chegar á capela de Santo Estevo do Ermo. Logo de xantar, partiremos cara ao monte de Penabor, desde onde poderemos contemplar toda a franxa costeira de Barreiros e Foz, a uns 350 metros de altura. Polo camiño acompañaranos o misticismo, ademais das variadas lendas do lugar. Atoparémonos con fontes milagreiras, coa pegada do cabalo do Apóstolo Santiago e cunha paisaxe de fervenzas e montes, nos que o bispo Maeloc perdeu un diamante azul.

O autobús sairá de diante da Facultade de Formación do Profesorado ás 9.00 h (pola hora nova).

Domingo, 25 de marzo de 2012

Xeral.......................................................................................... 15 €
Estudantes, xubilad@s e no paro………….................................12 €
Soci@s..................................................................................... 10 €
Até 17 anos................................................................................ 5 €

Imprescindible anotarse chamando ao 679113718 ou ao 982240299.
Leva roupa e calzado axeitados e comida para o camiño. O bo humor é cousa de tod@s

Próximos roteiros:
22 abril: Monte Cachelmo (Touriñán)
20 maio: Monte Pindo (Costa da Morte)
17 xuño: Serra do Galiñeiro (Vigo)

+info: roteirosadegalugo.blogaliza.org

Volver

Redes sociais

adegafacebook

twittergal



ADEGA