Artigos de Mar e litoral. ADEGA Cadernos, artigos de investigación e revisión científico-técnica do eido ambiental, a ecoloxía e o desenvolvemento sustentábel
Contaminación mariña debida ás pinturas dos barcos. A situación no litoral galego
María Quintela Sánchez
Caderno nº 10 - Medio ambiente litoral
Páx.29-37
O composto máis tóxico xamais introducido de forma deliberada no medio ambiente é o tributilo de estaño ou TBT, biucida empregado nas pinturas antiincrustantes para barcos ou estruturas mergulladas.A maior concentración de TBT aparece en portos comerciais e deportivos, canles de navegación… pero actualmente xa está distribuída por todo o mundo. Este composto tóxico causa aos seres vivos unha ampla gama de efectos daniños dende subletais ata letais. Os macroinvertebrados máis afectados son os moluscos, sobre todo gasterópodos e bivalvos, pola súa alta taxa de bioacumulación e baixa taxa de depuración.En definitiva, os puntos máis seriamente afectados por contaminación por TBT na costa de Galiza son as rías de A Coruña, Vigo, Ferrol e Muros onde que haberá que agardar un tempo para ver o resultado das recentes prohibicións no uso deste composto.
O medio ambiente e a reforma da Política Común de Pesca
Raúl García
Caderno nº 9 - Pesca sustentábel
Páx.29-38
España ten unha flota inmensa que pesca en todo o mundo, pero non somos os máis piratas do mundo, como se di. A reforma da PCP (Política Común Pesqueira) é unha oportunidade para reorientar a pesca. A campaña europea de pesqueiras de WWF ou ADENA ten como obxectivo principal axustar a flota á dispoñibilidade dos recursos. É preciso facer unha reforma da política pesqueira, de xeito que garanta o futuro da pesca a longo prazo. A maioría das especies estámolas explotando por riba das súas posibilidades e cada vez hai menos peixe, hai que investir máis cartos e hai que facer máis esforzos para pescar, sendo máis difícil gañar a vida no mar.
Proposta de ampliación do Parque Nacional Illas Atlánticas
Xosé Veiras García
Caderno nº 10 - Medio ambiente litoral
Páx.39-42
A asociación para a Defensa Ecolóxica de Galiza(ADEGA) , a Federación Ecoloxista Galega(FEG), a Sociedade Española de Ornitología(SEO)/Birdlife, a Sociedade Galega de Historia Natural ((SGHN) e un grupo de investigadores que asinaron no 2001 un documento no que demandaban a ampliación do ámbito territorial do futuro Parque Nacional (PN) das Illas Atlánticas.A presión social exercida polas organizacións ambientalistas conseguiu unha ampliación importante da superficie mariña do Parque que pasou das 1.637 hectáreas da proposición inicial a 7.138 hectáreas.
A erosión do litoral: A perda das praias
José L. Pagés Valcarlos
Caderno nº 10 - Medio ambiente litoral
Páx.43-53
O proceso natural denominado erosión estase convertendo actualmente nun problema grave, xa que a franxa litoral ten unha alta ocupación humana e serve de asento a numerosas actividades en torno ás cales se moven importantes intereses económicos. As praias, en concreto, son un recurso económico de primeira magnitude polo que a Administración, institucións diversas e as compañías de seguros empezaron a estar interesados no tema.Para abordar este tema, é necesario analizar, cales son as causas que orixinan as praias e os seus mecanismos de funcionamento, o que nos sinalará as directrices e liñas de actuación para eludir os efectos negativos do proceso erosivo litoral.
Introdución
Xosé Veiras
Caderno nº 9 - Pesca sustentábel
Páx.5
A catástrofe do Prestige pon de manifesto que a relación entre Galiza e o mar é intensa e non sempre feliz, xa antes, o estado de conservación do litoral galego era preocupante. Galiza é unha potencia pesqueira, pero a crise da sobrepesca ameaza o futuro do sector. Cómpre adoptar con sensibilidade ambiental e social, medidas que poñan fin ao notábel exceso de esforzo pesqueiro. Fronte á crise da pesca, e agora tamén como alternativa de desenvolvemento para as zonas castigadas polos desastre do Prestige, promóvese a acuicultura. Esta pode contribuír á sobrepesca e á degradación dos espazos naturais de elevado interese. Durante novembro de 2002, mes que ficará marcado na nosa historia por este accidente, ADEGA desenvolveu en diferentes localidades costeiras unhas xornadas preparadas nos meses anteriores baixo o lema “Galiza e o mar”. Neste número 9 e no número 10 de ADEGA-CADERNOS recollemos os interesantes relatorios presentados nestas xornadas.
En defensa das rías
Foro Aberto en Defensa das rías
Caderno nº 10 - Medio ambiente litoral
Páx.5-13
No litoral galego combínanse e coexisten medios de elevada produtividade con outros medios de condicións difíciles para a vida o que explica que se traten zonas onde se dan elevados índices de biodiversidade que precisan ser protexidos e conservados.A produtividade, a complexidade e a diversidade xeográfica e a climatoloxía desenvolven toda unha serie de actividades económicas cun alto valor socioeconómico demostrando que supoñen un sostén básico para os sectores comerciais, de servizos e construcións locais.Así pois, comprobamos un deterioro continuado, agravado pola aparición de novas actividades e contaminantes e a intensificación daquelas altamente impactantes que só se ve contrarrestado pola medre conciencia cidadá, a actividade dos grupos en defensa da natureza e a propia capacidade rexeneradora das rías.
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:adega@adega.gal