Revista CERNA

Inicio / Números anteriores / CERNA Nº 75 - E despois do...

Primavera 2016

CERNA Nº 75 - E despois do Cumio de París, que?

Artigos da revista CERNA Nº 75

A acuicultura industrial en Galiza. O idilio da Xunta e a patronal do peixe plano

Fins Eirexas

Páx. 22-25

O anteproxecto de Lei Acuicultura de Galiza buscaba asentar décadas de políticas erradas pero sempre a favor da acuicultura industrial e as multinacionais, do que foron exemplo Pescanova en Touriñan e Acuinor en Rinlo. Deixaba sen valor a normativa ambiental nos espazos onde se quixesen instalar cultivos mariños industriais, sen limitacións en todo o litoral, permitía a introdución de especies exóticas invasoras, transxénicos e carecía dos mínimos principios de sustentabilidade e facía prevalecer os intereses das transnacionais fronte á pesca de baixura e o marisqueo tradicional. A súa retirada non remata coas demandas ecoloxistas, pois segue sen atender a necesidade imperiosa do saneamento das rías.

Redefinindo o concepto de río para un novo marco socio-ecolóxico

Jesús Horacio García García

Páx. 26-28

No país dos mil ríos a sociedade galega ten a obriga de protexer, conservar e valorar os sistemas fluviais. O dano infrinxido durante décadas aos nosos ríos é, por desgraza, rico e diverso, polo que temos o deber ético de arranxar o dano feito. Desde algúns países cunha maior sensibilidade ecolóxica estanse poñendo en valor interesantes iniciativas que invitan a mudar o xeito de xestionar os nosos espazos fluviais. Pero é tamén preciso un cambio de paradigma como sociedade que axude a preservar estes espazos naturais tan prezados que son os ríos. Este cambio de paradigma afecta desde a propia definición de río, ata o xeito de percibir os seus riscos ou da súa funcionalidade na nosa calidade de vida.

O Val do río Lourido, o Petón do Lobo

Ismael Antonio López Pérez

Páx. 29-30

O Val fluvial do río Lourido, que divide parte dos concellos de Cabana de Bergantiños e de Coristanco (A Coruña), encerra uns valores ecolóxicos, paisaxísticos, culturais e sociais que amosan a súa especial singularidade. Se ben este val ía ser o depósito de balsas de lodos e de decantación no cancelado proxecto mineiro de Corcoesto, da multinacional canadiana Edgewater Exploration Ltd., o certo é que a sorte fixo que o seu destino continúe a ser o de abrigo e sostén dunha fauna e flora peculiar.

Proxecto Charaxes: Un bosque para unha bolboreta

Noé Ferreira-Rodríguez

Páx. 31-33

No ano 2007 a Asociación Naturalista “Baixo Miño” (ANABAM) puxo en marcha o Proxecto Charaxes. O seu obxectivo era incrementar a área de distribución da bolboreta dos érbedos, Charaxes jasius. O ciclo vital da especie está ligado ao érbedo, a súa planta nutricia, escasa na comarca por ser unha especie tipicamente mediterránea. Ante o risco de que a única poboación coñecida da especie en Galicia desaparecese por causa dos incendios forestais, pretendeuse coa creación dun novo erbedal expandir a área de presenza da especie. En parte grazas a este proxecto, a día de hoxe confírmase a presenza dabolboreta dos érbedos en todos os concellos do Baixo Miño.

O lobo na Península Ibérica: situación actual e perspectivas de conservación

Pedro Alonso Iglesias

Páx. 34-37

Recentemente, vén de se facer público o resumo dos resultados dos censos do lobo elaborados polas comunidades autónomas habitadas por esta especie no Estado Español. Neste artigo analizamos os resultados destas estimas demográficas, sen esquecer a natureza do conflito que involucra a conservación do lobo, as posibilidades de desenvolvemento do medio rural e a sensibilidade de crecentes capas da sociedade urbana. Un conflito que, xaora, debe ser superado polo diálogo permanente e racional.

GEMM: Estudar o medio mariño galego

GEMM

Páx. 38-39

Os océanos son o berce da vida no noso planeta e representan o hábitat máis diverso da biosfera. Namentres que a biodiversidade terrestre é ben coñecida, a exploración da biodiversidade dos ecosistema mariños está inda nos seusinicios. Neste artigo faise unha serie de reflexións sobre a importanciada biodiversidade en xeral e da biodiversidade mariña en particular e o papel que está a desenvolver o Grupo de Estudo do Medio Mariño (GEMM) no seu coñecemento en Galicia.

Revista CERNA
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal