Revista CERNA

Buscador

Formulario de busca

Urbanizando a Rede Natura

Daniel López Vispo

CERNA Nº 45 - Entrevista e Manuel Vázquez conselleiro de Medio Ambiente

Páx. 12-13

Unha vez máis o LIC Catedrais vese ameazado por mor dos incumprimentos das xestións necesarias para abordar as áreas recoñecidas dentro da Rede Natura 2000. Así, para os responsables de Medio Ambiente, ocupar 42.000 metros cadrados cun edificio administrativo de dúas plantas e unha batería de piscinas destinadas a engorde de polbo e rodaballo non é un defecto apreciábeñ, aínda que se trate dun LIC costeiro de reducida extensión. Analizamos en profundidade este caso.

Nova política ambiental

Manuel Soto, Xosé Veiras

CERNA Nº 45 - Entrevista e Manuel Vázquez conselleiro de Medio Ambiente

Páx. 14-17

O conxunto das políticas autonómcias non ten contribuído ate hoxe a frear o proceso de deterioración ambietnal e a aproximar o noso país ao obxectivo do desenvolvemento sustentábel. Os diferentes indicadores dispoñíbeis adoitan ser negativos e tenden a empeorar. Por outra banda, estamos á vivir un proceso de empoderamento e toma de conciencia por parte da poboación galega. Porén a Xunta de Galiza non ten estado á altura das demandas sociais. Analizamos unha serie de propostas na liña de mudar a política ambiental galega.

Entrevista a Manuel Vázquez, conselleiro de M.A.

Xosé Veiras

CERNA Nº 45 - Entrevista e Manuel Vázquez conselleiro de Medio Ambiente

Páx. 18-21

Informes e expertos científicos coinciden en salientar a negativa situación ambiental de Galiza, caracterizada por altos impactos en relación ao resultado económico, históricas eivas e caos na xestión ambiental, ineficiencia... e achacan a responsabilidade fundamental ao poder autonómico da era Fraga. Porén, despois de 16 anos, temos novo goberno na Xunta, novo conselleiro e novo equipo na consellaría de Medio Ambiente. Tamén novos compromisos, mais sobre todo, motias expectativas e esperanzas para achar solución a numerosos problemas ambientais, moitos deles xa vellos e enquistados. Ao frente da Consellaría de Medio Ambiente estréase Manuel Vázquez. Procedente do mundo municipal, como conselleiro comezou a súa relación cos grupos ecoloxistas dunha forma sorprendente, ao tomar a iniciativa para o diálogo. O pasado 21 de Setembro conversamos con el para Cerna.

Protección animal en Compostela

Isabelle Kerdudo

CERNA Nº 46 - Especial: A pegada ecolóxica de Galiza

Páx. 9

Kerdudo, como vocal de protección animal de ADEGA, pon de manifesto as medidas existentes en canto á protección animal en Santiago de Compostela. Entre outros elementos, analízase o novo Refuxio Municipal -situado en Bando- e a Asociación de Protección Animal que traballará en paralelo ao Refuxio.

As catedrais ameazadas

Adela Figueroa Panisse

CERNA Nº 46 - Especial: A pegada ecolóxica de Galiza

Páx. 14-15

Varios compañeiros/as de ADEGA están tamén encausados por denuncia da empresa, por intentar parar as obras de instalación da planta no LIC citado. En Outubro foron condenados polo xulgado de Mondoñedo ao pago dunha multa de case 1.000 euros por unha falta de coaccións e ao pago dunha indenización de até 12.630 euros. ADEGA recurriu a sentenza, ao tempo que novos feitos veñen arroupar ás teses ecoloxistas.

Entrevista a Adela Figueroa Panisse

Manuel Soto Castiñeira

CERNA Nº 46 - Especial: A pegada ecolóxica de Galiza

Páx. 16-17

Adela Figueroa, é presidenta de ADEGA desde o pasado mes de Novembro. Xunto con outras dúas mulleres, incorporouse á directiva desta asociación nunha asemblea extraordinaria na que se cubriron as vacantes xurdidas tras a demisión das persoas que desde o pasado mes de Marzo obstentaban eses cargos. A referida asemblea sucedeu a outra na que se debateu un Regulamento interno da Asociación, e no que se adoptou un réxime de imcompatibilidades para a Xunta Directiva de ADEGA. Ambas cuestións desencadearon unha polémica, tanto internamente como en determinados foros públicos, que acabou por centrarse arredor da independencia partidaria da Asociación e a democracia organizativa. Para sinalar iso, conversamos con Adela Figueroa.

Revista CERNA
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal