ADEGA Cadernos

Inicio / Números anteriores / Caderno nº 10 - Medio...

Setembro 2003

Caderno nº 10 - Medio ambiente litoral

Artigos do Caderno nº 10

En defensa das rías

Foro Aberto en Defensa das rías

Páx. 5-13

No litoral galego combínanse e coexisten medios de elevada produtividade con outros medios de condicións difíciles para a vida o que explica que se traten zonas onde se dan elevados índices de biodiversidade que precisan ser protexidos e conservados.A produtividade, a complexidade e a diversidade xeográfica e a climatoloxía desenvolven toda unha serie de actividades económicas cun alto valor socioeconómico demostrando que supoñen un sostén básico para os sectores comerciais, de servizos e construcións locais.Así pois, comprobamos un deterioro continuado, agravado pola aparición de novas actividades e contaminantes e a intensificación daquelas altamente impactantes que só se ve contrarrestado pola medre conciencia cidadá, a actividade dos grupos en defensa da natureza e a propia capacidade rexeneradora das rías.

Problemas e riscos de contaminación nas rías galegas

Manuel Soto Castiñeira

Páx. 15-27

Estamos convencidos de que se non se toman medidas, o litoral galego no seu conxunto pode ter consecuencias negativas, pois xa hoxe temos abondosos exemplos de rías contaminadas e gravemente deterioradas nos seus valores ambientais e produtivos. Cumpre discutir cales son as prioridades e solucións que nos permitan seguir tirando beneficio dos ecosistemas litorais, dunha forma sustentábel.Por elo, preciso que toda a sociedade sexa consciente dos problemas e das solucións a deterioración das rías, que ofertas non son solución e que actuacións agravan o problema.

Contaminación mariña debida ás pinturas dos barcos. A situación no litoral galego

María Quintela Sánchez

Páx. 29-37

O composto máis tóxico xamais introducido de forma deliberada no medio ambiente é o tributilo de estaño ou TBT, biucida empregado nas pinturas antiincrustantes para barcos ou estruturas mergulladas.A maior concentración de TBT aparece en portos comerciais e deportivos, canles de navegación… pero actualmente xa está distribuída por todo o mundo. Este composto tóxico causa aos seres vivos unha ampla gama de efectos daniños dende subletais ata letais. Os macroinvertebrados máis afectados son os moluscos, sobre todo gasterópodos e bivalvos, pola súa alta taxa de bioacumulación e baixa taxa de depuración.En definitiva, os puntos máis seriamente afectados por contaminación por TBT na costa de Galiza son as rías de A Coruña, Vigo, Ferrol e Muros onde que haberá que agardar un tempo para ver o resultado das recentes prohibicións no uso deste composto.

Proposta de ampliación do Parque Nacional Illas Atlánticas

Xosé Veiras García

Páx. 39-42

A asociación para a Defensa Ecolóxica de Galiza(ADEGA) , a Federación Ecoloxista Galega(FEG), a Sociedade Española de Ornitología(SEO)/Birdlife, a Sociedade Galega de Historia Natural ((SGHN) e un grupo de investigadores que asinaron no 2001 un documento no que demandaban a ampliación do ámbito territorial do futuro Parque Nacional (PN) das Illas Atlánticas.A presión social exercida polas organizacións ambientalistas conseguiu unha ampliación importante da superficie mariña do Parque que pasou das 1.637 hectáreas da proposición inicial a 7.138 hectáreas.

A erosión do litoral: A perda das praias

José L. Pagés Valcarlos

Páx. 43-53

O proceso natural denominado erosión estase convertendo actualmente nun problema grave, xa que a franxa litoral ten unha alta ocupación humana e serve de asento a numerosas actividades en torno ás cales se moven importantes intereses económicos. As praias, en concreto, son un recurso económico de primeira magnitude polo que a Administración, institucións diversas e as compañías de seguros empezaron a estar interesados no tema.Para abordar este tema, é necesario analizar, cales son as causas que orixinan as praias e os seus mecanismos de funcionamento, o que nos sinalará as directrices e liñas de actuación para eludir os efectos negativos do proceso erosivo litoral.

Ordenación do litoral. Estratexias e instrumentos

Alfonso Díaz Revilla

Páx. Páx.55-58

A Ordenación do Territorio debe dar resposta á preocupación xeneralizada polo medio ambiente natural cunha intervención positiva no mesmo, de recuperación das características naturais, de protección activa, e de posta en valor daquelas vantaxes competitivas que presenta. Neste sentido, o litoral é sen dúbida, un dos activos máis valiosos do territorio galego e un espazo clave para o futuro rexional. O planeamento municipal do Concello de Oleiros pode servir de referencia ao establecer planeamentos especiais que inciden non só sobre a porción marítima senón tamén sobre a terrestre, representando unha alternativa valente fronte aquelas que basean a súa estratexia nunha desecación ao infinito do mar.

ADEGA Cadernos
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:adega@adega.gal