ADEGA

Inicio / Multimedia / CernaTV /

CERNA TV

Extra

Eco-ideas ADEGA: Como separar en orixe os cartóns de leite

Os cartóns ou "brick" de leite están compostos de diferentes materiais que poden facernos dubidar sobre cal é colector correcto no que desbotalos cando se converten en lixo. Eis a solución, no sistema de xestión do lixo maioritario en Galiza, o de Sogama....

Eco-ideas ADEGA: Como facer plastilina natural na casa

#EuFicoNaCasaConADEGA
Crea e fai a túa propia plastilina na casa, máis ou menos dura, segundo as túas preferencias e das cores que queiras! Un método moi sinxelo para que nunca falte plastilina biodegradable no fogar. Tamén podes descargar a receita aquí: bit.ly/2Kj1iDV

Eco-ideas ADEGA: A lentella flotante

#EuFicoNaCasaConADEGA
A nosa amiga Inés ofréceche unha nova Eco-idea da súa colleita: a lentella flotante! Aprenderás con ela a cultivar plantas flotantes a partir de sementes de lentella. Non che parece fascinante?

Eco-ideas ADEGA: Como facer unha carteira a partir dun cartón de leite

#EuFicoNaCasaConADEGA
Ás veces non somos conscientes de todas as vidas que pode ter un residuo ou refugallo. E todos merecemos unha segunda oportunidade... incluso os cartóns ou bricks de leite. Queres saber que nova utilidade lles podes dar? Aquí unha proposta.


Como facer un autorregador de plantas

#EuFicoNaCasaConADEGA
Emocíonanos recibir novas Eco-ideas de persoas como Inés e Xerardo. Aquí vai a súa proposta de auto-regador para plantas. Unha solución práctica para dar beber ás nosas plantas aproveitando cada pinga de auga.

Eco-ideas ADEGA: Os xogos do lixo - O vaso pelota

#EuFicoNaCasaConADEGA
Aquí podes ver un titorial sobre como realizar unha nova #Ecoidea de ADEGA para facer un divertido xogo de refugallos para practicar a túa puntería: o vaso-pelota! Tamén atoparás as indicacións paso a paso na seguinte ficha de ADEGA: https://bit.ly/35aKEzS

Eco-ideas ADEGA: Os xogos do lixo - Carreira de tartarugas

#EuFicoNaCasaConADEGA
O lixo pode ser divertido se o transformamos nun xoguete. ADEGA amósache algúns xogos que podes crear cos refugallos e que son divertimento de crianzas e maiores, ademais de ser obxectos que inspiran a creatividade. Neste primeiro capítulo, mostrámosche como elaborar o xogo das carreiras de tartarugas.  Tamén atoparás as indicacións paso a paso na seguinte ficha de ADEGA: https://bit.ly/35aKEzS

Compostaxe caseira (capítulo 1): Onde colocar o noso composteiro

#EuFicoNaCasaConADEGA
ADEGA leva máis de 15 anos achegando a compostaxe aos fogares galegos. Esta é a forma máis ecolóxica de tratar os residuos orgánicos que producimos na nosa casa, que é arredor do 40% de todo o lixo que producimos. A través destes vídeos, irémosche contando algún consello para que acabes sendo un experto ou experta compostadora!

Compostaxe caseira (capítulo 2): Que residuos botar no noso composteiro

#EuFicoNaCasaConADEGA
A compostaxe é a solución ideal para aproveitar os nosos residuos orgánicos como abono, ademais de evitar que esta materia compostable acabe sendo incinerada ou nun vertedoiro. Pero, que tipo de residuos podemos botar no composteiro? Neste vídeo, resolvemos a pregunta.

Compostaxe caseira (capítulo 3): Mantemento básico do composteiro

#EuFicoNaCasaConADEGA
A xestión do composteiro é moi doada, pero debes coñecer algúns trucos para que o teu compost se produza en perfectas condicións. A educadora ambiental de ADEGA e experta en compostaxe, María R. Lafuente, resolverache as túas dúbidas.

Compostaxe caseira (capítulo 4): Comprobar o resultado

#EuFicoNaCasaConADEGA
A este momento é ao que quere chegar todo bo compostador ou compostadora! A ver o resultado! Neste vídeo verás que sinxelo é comprobar se o teu compost está maduro e listo para utilizar como abono. Ademais atoparemos, de seguro, as miñocas amigas!

Compostaxe caseira (capítulo 5): Reflexión final

#EuFicoNaCasaConADEGA
No capítulo final desta serie sobre compostaxe caseira facemos unha reflexión final e animámosvos a promover esta forma de xestionar os residuos orgánicos do fogar, que é a máis ecolóxica.

Eco-ideas ADEGA: Como reducir a túa pegada ecolóxica na Escrita

#EuFicoNaCasaConADEGA
Como cres que podes aforrar a túa pegada ecolóxica na escrita, ou máis ben, na manuscrita? Pois ademais de aforrar e reutilizar papel, tamén podes aforrar en tinta. Se queres saber como, preme para visualizar este vídeo.

Eco-ideas ADEGA: Extracción e abonado de compós

#EuFicoNaCasaConADEGA
O compós ou abono resultante da descomposición da materia orgánica é un fertilizante ecolóxico moi adecuado para aplicar en terras de cultivo, sobre todo aquel que está moi maduro e que, moitas veces, se denomina humus. A experta en horta ecolóxica, Lucía Ferreira, cóntanos como extraer o composte en que proporción aplicalo na terra.

Eco-ideas ADEGA: Como facer xabón e lixivia de cinza

#EuFicoNaCasaConADEGA
Non nos confundimos! Si, pódense facer produtos de limpeza naturais tan eficaces como a lixivia ou o xabón a partir dun elemento aparentemente tan suxo como a cinza. Podemos utilizar a cinza procedente de madeira queimada na nosa cociña de leña, cheminea ou estufa. Así o facían nosas avoas! Queres saber como? Pois preme no vídeo!

Eco-ideas: Como poñer os ovos duros!

#EuFicoNaCasaConADEGA A
sabedoría popular non ten límites! Aquí unha eco-idea de agasallo de Lola Tourón para aquelas persoas que crían e comen os ovos das súas propias galiñas! A que non o agardabas?

Eco-ideas ADEGA: Como facer xabón líquido para a lavadora

Se quedaches sen xabón para lavar a roupa na lavadora e non queres saír da casa neste período de confinamento, ADEGA ofréceche esta solución ecolóxica e natural. O único que necesitas é unha pastilla de xabón natural, auga e calor. É tan doado que te sorprenderá! #EuFicoNaCasaConADEGA

Eco-ideas ADEGA: En que colector van as luvas de látex ou nitrilo?

Ante o aumento de consumo de luvas de látex ou de nitrilo pola crise sanitaria, debemos poñer especial atención en como se xestionan cando se converten en residuo, é dicir, en que colector as imos depositar. Sabes cal lle corresponde?
#EuFicoNaCasaConADEGA

Eco-ideas ADEGA: Como facer unha pasta de dentes natural

#EuFicoNaCasaConADEGA Este obradoiro de cosmética natural mostra como facer pasta de dentes na casa de forma moi sinxela e respectuosa co medio ambiente. Podes descargar a receita por escrito na seguinte ligazón: http://adega.gal/media/documentos/Receita_pasta_de_dentes_ADEGA.pdf

Eco-ideas ADEGA: Como facer un ecolimpo?

#EuFicoNaCasaConADEGA
Se queres manter a túa casa limpa, non necesitas acudir ao súper para mercar produtos de limpeza. Aquí che amosamos unha sinxela receita para facer un ecolimpo na casa, ou un produto limpador e desinfectante ecolóxico ao que lle poderás dar múltiples usos.

ADEGA / Asociación para a defensa ecolóxica de Galiza
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email: adega@adega.gal