Revista CERNA

Artigos de Conservación e biodiversidade. Revista CERNA, medio ambiente e ecoloxismo da man de ADEGA

Catro anos de seguimento do leirón cinsento no Parque Natural O Invernadoiro

Xosé Pardavila, Ramsés Pérez, Adrián Lamosa e Lucía Parente

CERNA Nº 79 - Leirón Cinsento

Páx. 33-35

No ano 2014, ADEGA e Sorex puxeron en marcha un proxecto de seguimento do leirón cinsento (Glis glis) no Parque Natural O Invernadoiro (Ourense) coa finalidade de facer un estudo da especie neste espazo natural. Os resultado do estudo, a día de hoxe, demostran a eficacia da colocación de caixas aniñadoiras.

A custodia do territorio nas Insuas do Miño e os Ollos de Begonte

Martiño Cabana, Roberto Hermida e Óscar Rivas

CERNA Nº 79 - Leirón Cinsento

Páx. 36-39

A Custodia do Territorio móstrase como unha ferramenta eficaz para mellorar o estado de conservación dos espazos naturais de Galicia. Neste artigo, mostramos os traballos realizados nas Insuas do Miño e os Ollos de Begonte, situados no LIC Parga-Ladra-Támoga e na Reserva da Biosfera de Terras do Miño. A xestión do territorio, a investigación e a divulgación dos valores ambientais da zona son os pilares nos que se finca o proxecto.

A conservación do oso pardo en Galiza

Javier Naves Cienfuegos e Alberto Fernández-Gil

CERNA Nº 78 - ILP: Unha nova lei forestal

Páx. 43-45

O oso pardo en Galicia pasou de ser declarado practicamente desaparecido hai 40 anos a ser hoxe un visitante habitual de moitos montes galegos. Porén, a situación da especie no conxunto da Cordilleira Cantábrica segue sendo de grave risco de extinción. En Galicia segue sen consolidarse un núcleo reprodutor. É necesario renovar o vixente Plano de Recuperación do Oso Pardo na Comunidade, que data de 1992, para abordar e actualizar os retos que a conservación da especie e do seu hábitat necesitan.

Entrevista a Martiño Nercellas: Informe Lobo

Por Belén Rodríguez

CERNA Nº 77 - Abonda xa de eucalipto!

Páx. 31-33

ADEGA elabora un informe sobre a situación e a conflitividade do lobo en Galiza que trata de desmentir determinados mitos e crenzas falsas que atinxen a esta especie única e emblemática na Península Ibérica, como a súa suposta sobrepoboación no noso territorio, a necesidade das batidas, ou a influencia económica dos seus ataques no sector gandeiro galego. O documento tamén sinala solucións para evitar o conflito social xerado e o discurso “antilobo”. Entrevistamos ao principal autor do informe, Martiño Nercellas, biólogo e Vogal de Biodiversidade en ADEGA.

O lobo, no Parlamento

Cerna/Redacción

CERNA Nº 77 - Abonda xa de eucalipto!

Páx. 34-35

Preguntamos ás voceiras e voceiros parlamentarios que opinan sobre a situación actual do lobo en Galiza e sobre as propostas que fan para mellorar a súa xestión e evitar a conflitividade.

As aves necrófagas en Galicia. Perspectiva histórica e actual

Gil-Carrera, A.; Vázquez-Pumariño, X. e Tapia, L.

CERNA Nº 77 - Abonda xa de eucalipto!

Páx. 36-39

Actualmente, en Galicia pódense observar tres especies de aves necrófagas, todas elas pertencentes á Familia Accipitridae(Orde Falconiformes). Dúas delas, o voitre leonado (Gyps fulvus) e o voitre negro (Aegypius monachus), non son reprodutorasa día de hoxe, e compórtanse como especies dispersivas ou migrantes en territorio galego. O voitre branco (Neophron perc-nopterus), pola contra, si é reprodutora estival, se ben é moi escasa e as súas áreas de nidificación están moi localizadas enGalicia. O incremento da presenza dos voitres negro e leonado no noso territorio e a delicada situación de conservación anivel mundial do voitre branco fan necesaria unha revisión do seu estatus de conservación legal en Galicia, así como a apli-cación de medidas activas de conservación e avaliación da evolución destas tres especies.

Revista CERNA
Travesa de Basquiños, nº 9 baixo. 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal