Artigos de Residuos. Revista CERNA, medio ambiente e ecoloxismo da man de ADEGA
A suba da taxa do lixo por SOGAMA, unha oportunidade para mellorar a actual xestión?
Cerna/Redacción
CERNA Nº 71 - Outra xestión do lixo é posíbel
Páx. 6-8
A suba da taxa do lixo por parte de SOGAMA, nun 34% e de golpe, maniféstase como unha inxustiza máis que agravará as economías dos concellos e da cidadanía. Aquí expóñense algunhas das alternativas que andan a artellar os concellos máis críticos.
Decathlon pensa en verde. Un exemplo de boas prácticas ambientais en comercios
Irene Varela Vila
CERNA Nº 71 - Outra xestión do lixo é posíbel
Páx. 12
Pensa en verde” é unha iniciativa que comezou na tenda de Decathlon A Coruña, aos poucos meses da súa apertura, para adquirir eficiencia e avanzar cara a un desenvolvemento máis sustentable, co aforro de auga, luz e a xestión separada dos residuos.
A xestión do lixo: Situación na Galiza e noutras áreas do Estado español
Manuel Soto
CERNA Nº 70 - Reforma eléctrica contra as enerxías renovábeis
Páx. 16-19
Neste artigo revisamos os modelos e os resultados da xestión do lixo en diferentes ámbitos do Estado español. A recollida separada encóntrase hoxe xeralizada a través de sistemas que segregan 4 ou 5 fraccións diferenciadas. Os modelos de 4 fraccións baseados na separación dobre húmido-seco e as recollidas monomateriais de papel-cartón e vidro (Córdoba, Montejurra (Navarra), Barbanza, Nostián) atinxen recuperacións no rango do 13 ao 28% do lixo en materiais reciclábeis e do 8 ao 20% do lixo en materia orgánica compostábel, con valores globais do 30-35% en masa. Os modelos que prescinden da recollida separada da materia orgánica, como SOGAMA ou Pamplona, reciclan entre o 8 e o 22%, mentres que entre o 68 e o 90% dosresiduos municipais recóllense mesturados e sen posibilidades de recuperación. Os modelos de recollida porta a porta, de aplicación en moitos concellos cataláns (e máis recentemente tamén en Euskadi), segregan igualmente 4 ou 5 fraccións, mais con resultados moi superiores en cantidade e calidade. Entre os ámbitos estudados, Barbanza mostra os mellores resultados e SOGAMA, os peores.
A ILP contra a incineración, semente de futuro
Xosé Manuel López Fernández
CERNA Nº 69 - Charcas con Vida: os pequenos humidais na túa man
Páx. 24-25
A Iniciativa Lexislativa Popular a prol da redución, reutilización e reciclaxe en Galiza, e en contra da incineración, non pasou a aprobación do Parlamento galego. O PP votou negativamente e a oposición (BNG, AGE e PSdeG-PSOE) votou a favor. Pese a que non se acadou o obxectivo final, este artigo presenta a ILP como un símbolo de esperanza ante o a futura prohibición da incineración como principal tratamento dos residuos sólidos urbanos na Galiza. A Comisión promotora do texto lexislativo asevera que o esforzo mereceu a pena e que é necesario insistir e perseverar.
Lodos de depuración. Alternativas de xestión e sustentabilidade
Xosé Antonio González Ferreira
Páx. 28-31
Como consecuencia das diferentes actividades humanas xéranse unha serie de augas residuais que representan para a colectividade un perigo sanitario e ocasionan un grande problema para a súa eliminación. Os elementos contaminantes e a súa concentración dependen da orixe das augas e varían ao mesturárense unhas augas con outras.É preciso un plano de residuos galego onde a xestión dos residuos orgánicos se conciba de maneira global e integral, aproveitando as posibilidades e beneficios que a combinación de diferentes tipos de residuos pode ter. Nunha terra coma a nosa, coas necesidades evidentes de materia orgánica para manter os niveis de fertilidade e prever a erosión, non se concibe que non se dedique un mínimo de reflexión ao aproveitamento de residuos orgánicos.
Macropolígono industrial do lixo en Carballeda de Avia
Luís Díaz Cabanela
Páx. 13
Actualmente todas as plantas de tratamento de residuos están situadas no norte. É evidente que hai que dar unha solución aos residuos do sur, mais non compartimos o anuncio da Consellería de crear un “macro-polígono industrial do lixo”, que eufemisticamente chaman “Parque Medioambiental de Galiza”. Leváronse a cabo propostas como a creación de plantas de compostaxe comarcais e rexeitáronse outras técnicas como a incineración tradicional. O Ribeiro debe ter a súa planta de compostaxe, o mesmo que Vigo, Pontevedra e Ourense, pero Carballeda de Avia non é o lugar axeitado para o tratamento de refugallos industrias, xa que non garda a distancia regulamentaria ás poboacións, ademais de estar xusto ao carón da captación de auga potábel de Ribadavia.
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal