Artigos de Cultura e patrimonio. Revista CERNA, medio ambiente e ecoloxismo da man de ADEGA
A ecoloxía das linguas: o caso do galego
Fran Rei García
Páx. 62 - 63
A lingua é unha das ferramentas máis flexibles e versátiles que nos podemos atopar no noso día a día. A pesares dos anos de vida que poida ter unha lingua, esta é capaz de adaptarse as novas realidades que a rodean, evolucionar e servir á perfección para todas as interaccións que a súa sociedade requira. E isto non é característica dunha soa lingua, senón que de todas, posto que as xerarquizacións e diglosias son provocadas polas distintas relacións entre as comunidades lingüísticas partindo de diversos motivos que pouco teñen que ver coa esta. É neste contexto no que comeza a ecoloxía das linguas ou ecolingüística, que pretende evitar a desaparición do extenso patrimonio lingüístico do que formamos parte.
Ecoloxismo e cultura. Cálida despedida de ART natura
Belén Rodríguez
Páx. 14
Preto dun cento de persoas participou na derradeira inauguración da exposición ART Natura, impulsada por ADEGA para sensibilizar crear conciencia sobre a defensa e conservación do medio ambiente entre toda a cidadanía galega a través das diversas formas da cultura.. Este acto de inauguración serviu tamén para dicir adeus ao percorrido deste proxecto que comezou na primavera de 2007 e que visitou varios concellos galegos entre os que están Santiago, O Carballiño, Lugo, Sigüeiro, A Coruña, Fene, Melide e Marín. ArtNatura rematou onde comezou, en Compostela. Foi o pasado 2 de setembro na Sala de Exposicións da Asociación de Empresarios do Polígono do Tambre.
Paisaxe – Paisanaxe en Galiza: destrución da identidade
Felipe Senén
Páx. 32 - 33
Galiza coa súa característica paisaxe formada pola interacción dos homes coas particularidades do noso país, atópase en perigo pola desfeita especulación sobre os recursos de todos que enriquecen a uns poucos e desaparecen ante a permisividade da administración despreocupada, pendente de mantelo statu quo.
A vía primitiva a Compostela
Ricardo Polín
CERNA Nº 60 - Sentenzas Xudiciais: Caso Rinlo
Páx. 33 - 34
O auxe das autoestradas fai que hoxe en día os camiños xa non unan pobos, senón que unen capitais. Por iso, a conservación do Camiño de Santiago, nas súas distintas manifestacións, é un tesouro que nos resta da lóxica dos que viviron antes que nós. A simbiose destes antigos trazados coa natureza e os núcleos primixenios fai que, para o camiñante, percorrer estes camiños sexa como transportarse a outra época e proporciona a oportunidade de experimentar o entorno dun xeito distinto. Por todo isto, a protección do Camiño e dos bens, tanto naturais como patrimoniais, que o acompaña é o xeito de garantir a súa preservación por mil anos máis.
Acabouse o carbón
Xan Carlos Fernández
CERNA Nº 63 - Galiza: Territorio agredido
Páx. 46
A produción de carbón vexetal foi unha actividade importante na Serra do Xurés, máis co paso do tempo, a emigración das persoas locais, a desaparición dos grandes consumidores deste recurso que eran os ferreiros e a asombrosa extensión das plantación de árbores de crecemento rápido que reduciron as superficie de uceiras considerablemente, acabaron con esta actividade tradicional nesta zona do sur de Galiza.
O patrimonio cultural na mariña e mariñapatrimonio
Manuel Miranda
CERNA Nº 66 - Espazos protexidos, baixo mínimos
Páx. 16-17
Na mariña luguesa, como no resto das comarcas galegas, contamos cun importante e rico patrimonio cultural. Lamentabelmente observamos como día a día este patrimonio se vai destruíndo impunemente en toda Galiza e dunha maneira especialmente grave nas zonas costeiras. A praga dos paseos marítimos, o urbanismos salvaxe, infraestructuras, parques eólicos e a industria do eucalipto, coa conseguinte apertura de novas pistas nos montes e a utilización de maquinaria pesada para a tala e repoboación, son os principais responsábeis das constantes agresións que sofre o noso patrimonio natural, paisaxístico e cultural. Como consecuencia de todo isto, Galiza conta con numerosas asociacións cuxo obxectivo primordial é a protección deste vizoso patrimonio cultural, e unha delas é Mariñapatrimonio.
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal