Artigos de Mar e litoral. Revista CERNA, medio ambiente e ecoloxismo da man de ADEGA
ESPAZOS: A toma da Creba
Xesús Pereiras López
Páx. 20-21
A illa da Creba, no Concello de Muros, recibe a multitude de viaxeiros que se achegan a ela baixo a pintada . Esta illa supón un anaco de litoral inalterado nunha zona onde cada vez é máis difícil atopar recursos piscícolas, ao que hai que engadir un alto valor estético e as posibilidades que ofrece como lugar destinado ao lecer.
DOSSIER: Marea Negra
Redacción/Cerna
Páx. 17-24
Neste artigo recóllense diferentes catástrofes acontecidas nas costas galegas, sendo causadas por infraccións e irresponsables. As rías de A Coruña, Ferrol e Ares, son vítimas de catástrofes petroleiras que provocaron graves desfeitos, sendo as mareas negras a maior ameaza para as avez mariñas.
Macroalgas mariñas como fonte de biomasa
César Peteiro, Manuel García-Tasende, Óscar Jesús Prado
CERNA Nº 75 - E despois do Cumio de París, que?
Páx. 12-15
As laminarias, algas pardas de gran tamaño, amosan un alto contido en polisacáridos (entre 40 e 70% do seu peso en seco) polo que poden ser empregadas como unha fonte para producir bioetanol. Para a súa aplicación a escala industrial requírese de grandes cantidades de biomasa que no caso das laminarias debería ser obtido a partir do seu cultivo no mar. A produciónde bioetanol poder ser realizada en bio-refinarías nas que ademais de biocombustibles poden ser obtidos outros produtos de interese comercial (alimentación humana e animal, fertilizantes, produtos químicos, etc.). A acuicultura mariña das laminarias ofrecería ao tempo unha serie de servizos ecosistémicos, como a reciclaxe de nutrientes e a conversión del dióxidode carbono en oxíxeno.
A prórroga de ENCE: contaminación e corrupción ambiental na ría de Pontevedra
Antón Masa
CERNA Nº 75 - E despois do Cumio de París, que?
Páx. 16-19
Un novo capítulo na historia de ENCE vén de abrirse en Pontevedra da man do PP, un capítulo de 60 anos que –de non verse interrompido pola acción da cidadanía- ameaza o futuro da Ría e a economía da comarca. Un paso máis no camiño da corrupción ambiental que o PP vén desenvolvendo en Pontevedra co único obxectivo de deixar “atado e ben atado” o futuro dunha empresacontaminante e ilegal coa que teñen vínculos político-familiares e da que tiran importantes beneficios algúns dos seus destacados militantes. Un novo capítulo na defensa do beneficio particular á costa do interese xeral.
O Tribunal Supremo dá a razón ao Comité de Emerxencia
Manuel Rodríguez e Humberto Fidalgo
CERNA Nº 75 - E despois do Cumio de París, que?
Páx. 20-21
O pasado 25 de abril, o Tribunal Supremo, nunha sentenza inapelable, anulaba a autorización de construción da planta de gas de Reganosa outorgada en 2004 polo goberno de Aznar, logo de que en maio de 2012 anulase a modificacion do planeamento que serviu de base para a licencia de construción, e o 28 de marzo de 2016 anulase a autorización administrativa previa. A sentenza do Supremo culmina pois coa declaración da ilegalidade radical da planta de gas de Reganosa.
A acuicultura industrial en Galiza. O idilio da Xunta e a patronal do peixe plano
Fins Eirexas
CERNA Nº 75 - E despois do Cumio de París, que?
Páx. 22-25
O anteproxecto de Lei Acuicultura de Galiza buscaba asentar décadas de políticas erradas pero sempre a favor da acuicultura industrial e as multinacionais, do que foron exemplo Pescanova en Touriñan e Acuinor en Rinlo. Deixaba sen valor a normativa ambiental nos espazos onde se quixesen instalar cultivos mariños industriais, sen limitacións en todo o litoral, permitía a introdución de especies exóticas invasoras, transxénicos e carecía dos mínimos principios de sustentabilidade e facía prevalecer os intereses das transnacionais fronte á pesca de baixura e o marisqueo tradicional. A súa retirada non remata coas demandas ecoloxistas, pois segue sen atender a necesidade imperiosa do saneamento das rías.
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal