Artigos de Forestal e montes. Revista CERNA, medio ambiente e ecoloxismo da man de ADEGA
A floresta em portugal: gestão, monoculturas (eucaliptização) e incêndios
Miguel Reis
Páx. 8-10
A floresta em Portugal ocupa cerca de 35% do território continental, apresentando o Eucalipto como espécie dominante, seguida do Sobreiro, do Pinheiro Bravo e do Carvalho. A insustentabilidade atual da floresta portuguesa devese a vários problemas crónicos fruto de uma gestão florestal voltada para a produção. Com o objetivo de melhorar a gestão e ordenamento florestal, diminuir e restringir oalargamento do Eucalipto e combater eficazmente os incêndios florestais, o Estado português criou uma Reforma Florestal. Com este panorama nacional é imperativo que a gestão e ordenamento futuro da floresta seja sustentável e que as medidas apresentadas pelo estado tenham sucesso.
A irracionalidade do cultivo do eucalipto
Antonio Manuel Estévez Prieto
Páx. 11-14
A situación do eucalipto e as resinosas en Galiza mostran un escenario especulativo en grao máximo afastado da realidade do medio natural que produce a riqueza, explotando os nosos bosques e montes sen control sen pagar ningunha peaxe polos danos ambientais da súa explotación, impedindo, ao mesmo tempo, que un sector amplísimo da sociedade poida vivir do real, sensato e sostible aproveitamento dese medio natural. Isto supón un desprezo enorme a toda a xente nova que ten que saír de Galiza para buscar o seu futuro. Fulmínanseuns recursos que son de todas as persoas e de interese xeral.
Montes de coruxo: de lume a lume, na procura do bosque encantado
Rubén Blanco e Afonso S. Rodríguez
Páx. 16-19
No ano 1992 a Comunidade de Montes Veciñais de Man Común (CVMC) Común de Coruxo iniciaba a súa andadura, emprendendo un proceso de transformación do monte comunal que continúa a día de hoxe. Os comuneiros e comuneiras herdábamos un monte que as distintas administracións xestionaran até entón cun enfoque produtivista, orientado ao cultivo de especies de crecemento rápido, nomeadamente eucalipto branco (Eucalyptus globulus), piñeiro bravo (Pinus pinaster) e acacia negra (Acacia melanoxylon). Unha vez recuperada a propiedadecomunal, as directivas que se foron sucedendo substituíron gradualmente a masa arbórea orixinal por unha formación máis diversa, cunha presenza cada vez máis importante de frondosas autóctonas. O monte gañaba ano tras ano en calidade paisaxística, en biodiversidade... Todo cambiou o día 15 de outubro de 2017, cando o 73% da superficie comunal resultou calcinada por un devastador incendio forestal.
ILP: Unha nova lei para salvar os nosos bosques
Fins Eirexas
CERNA Nº 78 - ILP: Unha nova lei forestal
Páx. 5-6
A pesar da importancia da superficie de monte en Galiza, por volta dos 2/3 do total do territorio, as políticas sectoriais non conseguiron compatibilizar os aspectos produtivos do monte coa conservación dos hábitats naturais, particularmente dos bosques autóctonos, historicamente degradados e cada día máis diminuídos. Un proceso que acompaña o deterioro de servizos ecosistémicos, tais como a diversidade natural, a dispoñibilidade de auga, a fertilidade do solo, ou a calidade paisaxística. A todo isto súmase a eucaliptización (xa máisde 500.000 ha en 2016 de E. globulus), a introdución dunha nova especie, o E. Nitens, con aptitude para colonizar toda a Galiza interior, o despoboamento rural inducido ou potenciado, a praga recorrente dos incendios forestais, e o desafío do cambio climático. É por isto que desde “Cousa de Raíces” vimos de promover esta Iniciativa Lexislativa Popular (ILP).
Entrevista a Xosé Alfredo Pereira, presidente da ORGACCMM
Por Fins Eirexas
CERNA Nº 78 - ILP: Unha nova lei forestal
Páx. 7
Cousa de Raíces reúne a máis de 60 colectivos e entidades nunha campaña en favor da sustentabilidade do monte galego, das nosas árbores autóctonas, e tamén da prevención e erradicación dos incendios forestais. Ao longo dos últimos meses tiveron lugar os preparativos dunha nova iniciativa lexislativa popular (ILP) para a protección e mellora dos hábitats de bosque autóctono, a racionalización da xestión do monte e a loita contra os incendios forestais. Como membro promotor da ILP, conversamos con Xosé Alfredo Pereira Martínez, presidente da Organización Galega de Comunidades de Montes (ORGACCMM), que forma parte de Cousa de Raíces.
Necesitamos outra política forestal, este Prestige xa abonda!
Ramón Varela Díaz
CERNA Nº 78 - ILP: Unha nova lei forestal
Páx. 8-9
O 20 de xuño do ano 1989, o autor deste artigo, Ramón Varela Díaz, defendía no Parlamento galego a toma en consideración da primeira Proposición de Lei por Iniciativa Lexislativa Popular (ILP) da nosa historia. Era a ILP para a “Conservación, Mellora e Desenvolvemento do Patrimonio Forestal”. Xa naquel momento os incendios eran un grave problema, produto dunha errada política forestal que se arrastraba do franquismo, e a eucaliptización un problema ecolóxico, económico e social incipiente. Hoxe está claro que se perdeu en 1989 unha oportunidade histórica e hoxe seguimos coa mesma política e con incendios. Ramón Varela xungue as realidades desa primeira ILP coa desta segunda, 29 anos máis tarde, nun debate de plena actualidade.
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal