Artigos de Enerxía e cambio climático. Revista CERNA, medio ambiente e ecoloxismo da man de ADEGA
Uso da enerxía solar na UDC. Instalacións solares térmicas
Xesús Giz
Páx. 26 - 28
Neste artigo centrarémonos nas instalacións solares térmicas explicando máis polo miúdo esta tecnoloxía, para despois pasar a detallar, a modo de exemplo, unha instalación que se ven de rematar nun edificio da universidade da Coruña.
Diferentes perspectivas sobre a incidencia do cambio climático
Belén Rodríguez
CERNA Nº 61 - Lei do solo: Legalizar a especulación
Páx. 32
As xornadas dedicadas ao Día da Terra 2010 promovidas no Campus de Lugo por ADEGA e a USC remataron o 22 de abril cunha mesa redonda sobre o quecemento global e a súa percepción desde Galiza. Interviron Emilio Fernández, ecólogo da Universidade de Vigo,Dora Blanco, coordinadora da Oficina de Sostibilidade da USC e Jacobo Feijoo, membro de Unións Agrarias. O obxectivo foi coñecer como os variados sectores da sociedade afronta a problemática do cambio climático no país.
Hopen´ Haguen: Crónica da esperanza
Xosé David Allo Rama
CERNA Nº 61 - Lei do solo: Legalizar a especulación
Páx. 35
Esperanza, esta é a palabra que escollería para definir este Cumio do Clima. Eu, estudante de E.T.Forestal, traballador de incendios no verán e agora Erasmus en Praga, decidín sumarme ás mobilizacións de Copenhague a fin de semana do 11 ao 13 de decembro sen saber o que me atoparía por eses lares. Guiado non máis que pola busca desta esperanza que nos fai falla para motivar os nosos corazóns e seguir dando pasos na vida...
O debate eólico
Daniel López Vispo
CERNA Nº 60 - Sentenzas Xudiciais: Caso Rinlo
Páx. 24 - 25
Os anos 60 é a data clave para entender as novas políticas enerxéticas na Galiza, a época dos encoros e os espolios dos principais recursos da terra. Mais é a partires da década dos 90 cando a enerxía eólica fai a súa gran aparición. O que parecía ser o achado do século, é dicir, o aproveitamento dunha enerxía renovábel tornouse no sometemento aos ditames das grandes empresas, sen que exista o máis mínimo respecto polo medio nin natural nin patrimonial. A substitución das enerxías “tradicionais” polas renovábeis é o paso lóxico a seguir, pero son precisas unha serie de garantías que a aseguren o bo seu desenvolvemento. O presente artigo fai un repaso polas políticas dos últimos anos por parte da Xunta en canto a enerxía eólica, os seus acertos e carencias, e como estas afectan ao medio ambiente.
Enerxía eólica e Rede Natura 2000 en Galiza
Xavier Simón Fernández e Damián Copena Rodríguez
CERNA Nº 60 - Sentenzas Xudiciais: Caso Rinlo
Páx. 26 - 29
No actual contexto económico capitalista a problemática do cambio climático aparece como un dos principais problemas ambientais, facendo que nas derradeiras décadas a utilización de fontes enerxéticas renovábeis comece a xeneralizarse. Neste contexto, a enerxía eólica aparece como unha importante alternativa aos combustíbeis fósiles. O noso País non ficou alleo a esta realidade, e nos últimos 15 anos a produción de enerxía eólica pasou de ser unha actividade case anecdótica, a converter a Galiza nunha potencia eólica europea e mesmo mundial. Este feito, apoiado polo marco regulador autonómico, supuxo a instalación de múltiples aeroxeradores ao longo de moitos dos cumios do territorio galego. Se, por unha parte, permiten producir electricidade que non contribúe ao cambio climático, por outra, segundo sexan os espazos que ocupan as instalacións dos parques eólicos, pode resultar agresiva ambientalmente. Neste artigo repásase brevemente o tratamento ambiental dos parques eólicos na normativa autonómica reguladora desas instalacións e faise un repaso dos seus principais impactos ambientais, facendo especial mención á afectación directa aos ecosistemas de interese ecolóxico e a espazos pertencentes á Rede Natura 2000.
CO2 emisións e almacenamento
Xoán Ramón Vidal Romaní
CERNA Nº 62 - O lixo en Galiza: Máis incineración?
Páx. 18 - 19
Nos últimos anos, cando se comezan a ver as primeiras causas do cambio climático, comezase a investigar posibles formas de capturar todo ese CO2 emitido a atmosfera. Existen moi diversos métodos para lograr este fin, e Galiza pode ter varias posibilidades, máis non debemos consentir que, Galiza como a principal produtora de enerxías limpas: hidroeléctrica e eólica, ás que se lle pode engadir a solar xa que é a principal produtora de España de silicio, non ten porque converterse no acubillo de industrias sucias e contaminantes nin na exportadora neta, quer de enerxía, quer dun dos materiais máis necesarios para facer paneis fotovoltaicos.
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal