Revista CERNA

Inicio / Números anteriores / CERNA Nº 21 - -

Primavera - Verán 1997

CERNA Nº 21 - -

Artigos da revista CERNA Nº 21

Efeitos ecolóxicos dos encoros. O caso de Caldas

Jesús Pereiras López

Páx. 14-15

O posicionamento de ADEGA en contra deste encoro xa comenzou nas alegacións presentadas no ano 93 ás directrices do Plano Hidrolóxico, onde se opuña ás barraxens proxectadas. Desde entón ADEGA tense manifestado reiteradamente en contra do encoro de Caldas en diferentes notas de prensa, así como tamén llo ten comunicado ás Coordinadoras Antiencoros.

Campos de golf, verdores envenenados

Emilio Xosé Ínsua

Páx. 16-18

É patente a contradición entre o que esgrime a Xunta para facer o encoro do Umia en Caldas, é dicir, os supostos problemas de abastecemento de auga na comarca do Salnés durante o verao, e o apoio á construcción dun campo de golf na mesma zona. Por outro lado, a política de recorte de subvencións e axudas para o deporte non casa demasiado ben con esta iniciativa.

A reciclaxe de SOGAMA, un fraude á sociedade

Cerna/Redacción

Páx. 20-22

Basta considerar a distribución das inversións previstas no Plano de SOGAMA para poder afirmar que dito plano non ten nada de plano de reciclaxe, e que mesmo terá que ser modificado para atinxir os obxectivos da recente Lei de Envases. Máis do 90% do investimento adícase á recollida, transporte e tratamento do lixo por incineración, discriminando as opcións de prevención e reciclaxe. Inclúese ademáis a alternativa de ADEGA a dito plano, cunha distribución das porcentaxes do investimento moito máis sustentable para o medio ambiente.

ACTIVIDADES

Cerna/Redacción

Páx. 23

Proposta de diversas actividades relacionadas có medio ambiente, en concreto:- Campaña por un consumo racional, organizada pola FEG- Exposición sobre o impacto dos encoros na Galiza- Postal de denuncia do contubernio Xunta-Fenosa- Mesa pola Defensa dos Camiños do Ferro.

Plantas transxénicas: un risco innecesario

Elvira Cienfuegos

Páx. 24-25

O millo, o arroz e o trigo conforman máis do 50% do alimento consumido no mundo. Patentar estas plantas xenéticamente modificadas polas multinacionais é desacougante. A postura de ADEGA supón, entre outras propostas, a prohibición da introducción da soxa e do millo transxénicos en Galiza e a esixencia de estudios rigososos para o medio e para as persoas que proben a inocuidade destes alimentos.

Entrevista a Pedro Costa Morata

Carlos Vales

Páx. 26-27

Os escritos de Pedro Costa foron claves para dotar de argumentos ós movementos sociais ascendentes na orixe do ecoloxismo español. Cerna aproveita a súa visita por mor da loita dos veciños de Merza contra unha liña de alta tensión para facerlle unha entrevista. Ademáis inclúese un artigo de Manuel Soto Castiñeira, de título "Debate en Merza: efeito das liñas de alta tensión", relativa a dita problemática sinalada.

Revista CERNA
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal