Revista CERNA

Inicio / Números anteriores / CERNA Nº 81 - Emerxencia...

Verán 2019

CERNA Nº 81 - Emerxencia climática

Artigos da revista CERNA Nº 81

As abellas, máis que mel

Xesús Asorey

Páx. 17-18

As abellas foron declaradas a especie máis valiosa do planeta segundo a opinión dos expertos científicos reunidos en Londres pola Royal Geographical Society, no ano 2008. Dous científicos presentaron o debate: o Dr. David Thomas argumentou a favor do plancton, mentres que o Dr. George McGavin postulou a favor das abellas. Cada científico presentou probas e evidencias da importancia destes dous organismos para o resto dos seres vivos do mundo. E gañaron as abellas, xa que un cuarto de millón de especies de plantas con flores dependen destes insectos, cruciais para a produción agrícola, para a produción froiteira e para outros moitos cultivos que comemos a diario.

Peixes migradores, servizos ecosistémicos e cambio climático: O proxecto DiadES

David José Nachón, Rufino Vieira-Lanero, Sandra Barca e Fernando Cobo

Páx. 20-23

As poboacións de peixes migradores atópanse en franco declive a nivel global. As causas subxacentes desta diminución son a perda do hábitat, a sobrepesca, a contaminación e o cambio climático. Este acusado descenso, xunto cos intereses económico, científico e patrimonial que xeran estas especies, motivou o deseño dun proxecto multidisciplinario desenvolvido ao longo do suroeste europeo, o proxecto DiadES. DiadES avaliará e contribuirá á mellora dos servizos ecosistémicos achegados polos peixes migradores, tendo en conta os impactos do cambio climático na súa distribución e creará unha plataforma transnacional de medidas de xestión innovadoras.

TurGaSur: seguimento participativo de arroaces en áreas mariñas da Rede Natura

José A. Martínez e Alfredo López

Páx. 24-26

En decembro de 2018, a Coordinadora para o Estudo dos Mamíferos Mariños (CEMMA) puxo en marcha o proxecto “TurGaSur: seguimento e mellora do coñecemento da Unidade de Xestión Tursiops truncatus Galicia Sur en áreas de Rede Natura 2000”, contando co apoio da “Fundación Biodiversidad”, do Ministerio para a Transición Ecolóxica. TurGaSur está adherido ao LIFE IP INTEMARES, que é o maior proxecto de conservación mariña que se está a desenvolver en Europa. O obxectivo xeral do proxecto TurGaSur é contribuir á conservación dos arroaces (Tursiops truncatus) a través das áreas mariñas Rede Natura 2000 e da participación social. Neste artigo, dáse conta dos primeiros resultados do proxecto en augas mariñas galegas.

Vaca de leite en gandaría ecolóxica, serve calquera?

Ruth Rodríguez-Bermúdez, Marta Miranda, Inmaculada Orjales, Marta López-Alonso

Páx. 27-28

A elección da raza de gando vacún para producir leite en ecolóxico debe facerse en función do sistema produtivo e do obxectivo de produción, pois a interacción GxE, que se explica a continuación, xoga un rol fundamental que fai que os animais altamente produtivos en convencional intensivo, non sexan os máis adecuados para a produción ecolóxica.

O Coutro da Eirexiña: custodia do territorio nos montes de Rebordelo

Ángel E. López, José Justo Vázquez e Miguel Leirós

Páx. 29-31

O Couto da Eirexiña é un proxecto de custodia do territorio que abrangue 172,66 hectáreas localizadas no monte comunal de Rebordelo, no concello de Cerdedo-Cotobade, e que ten como finalidade a conservación do bosque autóctono e a promoción dos valores naturais e culturais do monte comunal e da parroquia. O acordo de custodia asinouse entre a Comunidade de Montes de Rebordelo e ADEGA co fin de levar a cabo actividades de educación e voluntariado ambiental e guiar, por parte da entidade ecoloxista, nas prácticas de rexeneración e restauración do bosque autóctono e a posta en valor do patrimonio material e inmaterial da comunidade.

Por que é importante a ciencia cidadá?

Cosme Damián Romay Cousido

Páx. 32

Um dos conceitos “de moda” nos últimos anos em muitas revistas científicas é o de ciência cidadá. Umha das definiçons mais acaídas seria a seguinte: a participaçom pública na investigaçom científica em aras de incrementar o conhecimento científico, pola qual a cidadania partilha informaçom e contribui com programas de seguimento e recoleçom de dados (Silvertown, 2009; Eitzel et al., 2017). Existem outras definiçons alternativas, que vêm a incidir mais no plano sociológico nuns casos e na vertente científica estrita noutros, mas a citada definiçom seria a que aglutina melhor todos os componentes estratégicos das açons.

Revista CERNA
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal