Buscador
Custodia do territorio como ferramenta de conservación
Ramsés Pérez
CERNA Nº 66 - Espazos protexidos, baixo mínimos
Páx. 18-19
Galiza é unha paisaxe humanizada que as galegas e os galegos modelaron e xestionaron durante séculos. Porén, nos últimos anos, a xestión do territorio e nomeadamente dos espazos naturais protexidos foron deixadas case exclusivamente nas mans da Administración, cuns resultados moi discutíbeis. Neste artigo presentamos a custodia do territorio, un crecente movemento de conservación que de maneira participativa e desde a sociedade civil ofrece unha nova posibilidade de xestión e con grandes posibilidades.
A custodia do territorio en Galiza: situación e perspectivas
Ramsés Pérez e Virxinia Rodríguez
CERNA Nº 66 - Espazos protexidos, baixo mínimos
Páx. 20-21
Con motivo da realización do I Encontro galego de Custodia do Territorio e da recollida das fichas coas iniciativas de custodia das entidades participantes, elaboramos un primeiro inventariado galego de iniciativas de custodia que resume a situación desta figura de conservación do territorio de Galiza. Neste artigo presentamos algúns aspectos destacados deste traballo. O obxectivo do inventario é facilitar a difusión do concepto, as experiencias existentes, e servir de manual para aquelas persoas e entidades que queiran iniciarse na custodia
I Encontro galego de custodia
Belén Rodríguez
CERNA Nº 66 - Espazos protexidos, baixo mínimos
Páx. 22-23
Tivo lugar os pasados 29 e 30 de outubro en Santiago de Compostela. Organizado por ADEGA e coa colaboración da Asociación Galega de Custodia do Territorio, tratou de acoller a todas as entidades de custodia que están a desenvolver proxectos en Galiza baixo esta forma de participación social na conservación do medio natural para intercambiar experiencias e dar un primeiro chanzo na creación dunha Rede galega de Custodia do Territorio. Os obxectivos, entre outros, son poder obter unha presenza representativa dos proxectos galegos de custodia nos foros estatais e acadar unha idea mais aproximada da incidencia da custodia no país galego. No encontro, unha vintena de entidades deron a coñecer preto de 30 proxectos.
Entrevista a Amaya Sanchez
Belén Rodríguez
CERNA Nº 66 - Espazos protexidos, baixo mínimos
Páx. 24-25
Amaya Sanchez é asistenta técnica da Fundación Biodiversidade no proxecto “Plataforma de custodia do territorio”. Cita: “Na protección da natureza non abonda co traballo da administración pública”
Fontes renovábeis e crisis económica, un binomio difícil de conxugar
Fernando Blanco Silva
CERNA Nº 66 - Espazos protexidos, baixo mínimos
Páx. 27
A Asemblea xeral das Naciones Unidas declarou o 2012 como ano internacional da Enerxía Sustentábel, como forma de compromiso contra o cambio climático e o deterioro ambiental do planeta. A nivel estatal, aprobouse recentemente o Plan de Acción Nacional de las Energías Renovables (PANER) 2011-2020, que prevé que a porcentaxe de enerxía de orixe renovábel na enerxía primaria pase do 10,7% en 2010 até o 17,8% en 2020. Este desenvolvemento centraríase na producción de electricidade (eólica, fotovoltaica, hidroeléctrica, biomasa...) e, en menor medida, no aproveitamento térmico (soltar térmica, xeotérmica, biomasa...).
Disparos dialécticos sobre a caza con chumbo en humidais
Serafín González
CERNA Nº 66 - Espazos protexidos, baixo mínimos
Páx. 28-29
Desde a súa publicación, a Sociedade Galega de Historia Natural (SGHN) tivo moi claro que a resolución do 10 de outubro de 2008, da Dirección Xeral de Conservación da Natureza da Xunta de Galiza, pola que se regula o emprego de munición con chumbo, incumpría a Lei 42/ 2007 do Patrimonio Natural e a Biodiversidade , o Instrumento de Ratificación do Acordo sobre a Conservación das Aves Acuáticas Migratorias Afroeuroasiáticas e a Directiva Aves.
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal