Buscador
O río Támega a salvo
Eduardo Castro, Xan Carlos Fernández
CERNA Nº 46 - Especial: A pegada ecolóxica de Galiza
Páx. 8
ADEGA -Ourense, ven traballando desde o 2005 en prol da protección do río Támega en contra do proxecto de ampliación do polígono industrial de Pazos (Verín), que afectaría a un dos mellores bosques fluviais da comarca de Monterrei. Gozando esta área, para máis inri, da protección oficial outorgada pola Rede Natura 2000, denominada a zona coma LIC Río Támega.
Radio CERNA
Belén Rodríguez
CERNA Nº 46 - Especial: A pegada ecolóxica de Galiza
Páx. 18-19
Analízase o ecoloxismo nos medios mediante o uso de Radio Cerna, o espazo radiofónico promovido por ADEGA. Nesta colaboran 18 radios na difusión do proxecto ecoloxista, así coma a Deputación da Coruña que se sumou nos últimos tempos. "Radio Cerna" funciona coma unha produtora radiofónica que se sostén na elaboración de produtos -programas- de contidos fundamentalmente medioambientais e ecoloxistas, pero tamén de til cultural e didáctica. A día de hoxe emítese nas emisoras municipais e locais de toda Galiza, posuíndo gran aceptación entre as oíntes.
Protocolo de Quioto
Daniel López Vispo
CERNA Nº 46 - Especial: A pegada ecolóxica de Galiza
Páx. 20
En Decembro de 1997 asinábase o chamado protocolo de Quioto no que os países industrializados se comprometían a reducir, durante o período 2008-2012, as emisións de gases de efecto invernadoiro 1 nun 5,2% por debaixo do nivel alcanzado en 1990. Coa ratificación en Novembro de 2004 do Protocolo por parte de Rusia, este entra en vigor 90 días despois, en Febreiro de 2005. Observando o panorama actual, cunhas taxas moi superiores de contaminación esperadas, cómpre dar resposta á necesidade de xerar obxectivos drásticos e urxentes. Presionar á administración e á opinión pública.
Proxecto Ríos
Virginia Rodríguez
CERNA Nº 46 - Especial: A pegada ecolóxica de Galiza
Páx. 21
O día 25 de Novembro de 2005 tivo lugar no concello de Ames o primeiro encontro de voluntariado do Proxecto Ríos, contando coa asistencia dunhas 50 voluntarias. Neste encontro, tivo lugar un marco de debate arredor da presenza de personalidades da vida política -tales coma Jorge Antonio Santiso, Secretario Xeral de Medio Ambiente ou Carlos Fernandez ex-concelleiro de medio ambiente- así coma outras vencelladas ao mundo académico -coma o profesor de Educación Ambiental da USC, Pablo Ángel Meira Cartea. Tras este encontro, o Proxecto Ríos continúa coa súa campaña de Primavera, entrando no seu segundo ano de andaina.
Nova política hidroeléctrica
Xan Louzao
CERNA Nº 46 - Especial: A pegada ecolóxica de Galiza
Páx. 22-23
O pasado mes de Novembro a Consellería de Medio Ambiente, anunciou unha serie de medidas relacionadas cos aproveitamentos hidroeléctricos. Nestas medidas atopamos cuestións coma a derrogación do Plano Sectorial Hidroeléctrico, a suspensión - mentres non se revise ese Plano- de 46 minicentrais concedidas polo anterior goberno e a negociación coas empresas propietarias de aproveitamentos xa concedidos pero aínda sen iniciar as obras, para poder chegar a acordos puntuais con elas co fin de rescatar estas concesións.
Ribeiras do Sil e Serra da Enciña da Lastra
Xurxo Mouriño
CERNA Nº 46 - Especial: A pegada ecolóxica de Galiza
Páx. 24-26
Na extrema administrativa da Galiza, na comarca de Valdeorras, encontramos un dos espazos naturais máis singulares, descoñecidos e espectaculares do país: a serra da Enciña da Lastra. Declarada recentemente como Parque Natural (2002), podería ser contemplada como a continuación cara o sureste das serras do Courel e do Piornal, vindo a morrer no Sil. O río desta serra, polo que a paisaxe actual presenta numerosas paredes de calcarias de decenas ou mesmo centenas de metros de precipicio, así como a máis ampla e espectacular rede cárstica de covas ou simas de Galiza, coñecidas coma "palas" na localidade. Aínda que pareza incríbel, estas rochas, creadas a partir de depósitos de estruturas calcarias de organismos mariños, proceden de fondos oceánicos da época Paleozoica, cando o mar cubría estas terras; aínda hoxe é posíbel localizar fósiles destes animais.
.gif)
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email:cerna@adega.gal
Edición: Ronda Fontiñas, 180 Entrechán. 27002 Lugo
Tlf: 982 240 299 Email: cerna@adega.gal