http://adega.gal/web/radiocerna/ gl http://adega.gal/web/radiocerna/images/logo_radio.png http://adega.gal/web/radiocerna/ no Radio CERNA é o primeiro espazo radiofónico especializado na temática medioambiental e ecoloxista en Galiza. Está realizado pola Asociación para a Defensa Ecolóxica de Galiza (ADEGA) para difundir a través da rede e das emisoras locais galegas toda a información relativa á situación medioambiental do país. O espazo dura uns 10 minutos e actualízase todos os días de luns a venres. http://adega.gal/web/radiocerna/programa.php?idioma=gl&id=1207 Thu, 04 Dec 2025 07:35:00 +0200 10:00:00 no Boletín informativo ambiental 05/12/25 A emerxencia cinexética da Xunta podería contribuír a espallar a peste porcina africana. ADEGA impulsa un novo campo de voluntariado para restaurar zonas queimadas na Agolada. Ulloa Viva, a PDRA e Mina de Touro-O Pino Non chaman a "poñer fin" á ameaza da macrocelulosa de Altri cunha masiva mobilización o vindeiro 14D en Compostela. O río Gafos, en Pontevedra, volverá á vida... Todo isto e máis, en Radio Cerna!  http://adega.gal/web/radiocerna/programa.php?idioma=gl&id=1206 Thu, 27 Nov 2025 09:37:00 +0200 10:00:00 no Boletín informativo ambiental 28/11/25 A sociedade público-privada Recursos de Galicia negocia con Acciona a adquisición de 26 parques eólicos. A Coordinadora Eólica Así Non convoca unha concentración ás portas do Parlamento de Galiza baixo o lema “por moita lei que cambien, non nos taparán os ollos”. aA Xunta investirá uns 62.000 euros en espadanas para crear unha zona húmida artificial destinada a reducir a acidez das augas que baixa pola AG-64, a autovía Ferrol–Vilalba que ameaza o Eume desde hai dúas décadas. Todo isto e máis, en Radio Cerna! http://adega.gal/web/radiocerna/programa.php?idioma=gl&id=1205 Fri, 21 Nov 2025 08:55:00 +0200 10:00:00 no Boletín informativo ambiental 21/11/25 O PP esquece tramitar a emenda para flexibilizar aínda máis a moratoria do eucalipto. A asociación ecoloxista ADEGA denuncia que Rueda mingua a tramitación ambiental para converter a Xunta nunha expedidora de permisos. Galiza é a autonomía que menos recicla de todo o Estado. A Asociación Pola Defensa da Ría (APDR) lanza unha campaña de micromecenado para continuar o proceso xudicial contra a prórroga concedida a Ence ata 2073. Estas e outras novas, neste novo programa de Radio Cerna!  http://adega.gal/web/radiocerna/programa.php?idioma=gl&id=1204 Thu, 13 Nov 2025 08:01:00 +0200 10:00:00 no Boletín informativo ambiental 14/11/25 Centos de persoas fixeron este domingo unha cadea humana no encoro de Portodemouros para rexeitar Altri e a mina de Touro-O Pino. Ademais, Bruxelas vén de excluír o proxecto da celulosa dos Fondos de Innovación da Unión Europea. A Xunta aproba o anteproxecto da nova Lei de administración ambiental simplificada, que substituirá e derrogará por completo a Lei de protección ambiental de Galicia de 1995. A superficie de eucalipto segue medrando a pesar da moratoria vixente desde 2021. Así o revela o avance do Inventario Forestal continuo de Galiza presentado esta semana pola administración galega tras unha demora de ano e medio. Todo isto e máis, en Radio Cerna!  http://adega.gal/web/radiocerna/programa.php?idioma=gl&id=1203 Thu, 30 Oct 2025 05:31:00 +0200 10:00:00 no Boletín informativo ambiental 31/10/25 A Xunta declara compatibles os eólicos coa paisaxe e abre novas vías ao eucalipto nos montes. Na comarca de Valdeorras, os efectos dos incendios do verán comezan agora a sentirse coa chegada das choivas. Na comarca de Valdeorras, os efectos dos incendios do verán comezan agora a sentirse coa chegada das choivas. A veciñanza do Galiñeiro, en Gondomar, podería ver finalmente protexida esta contorna natural grazas ao inicio do trámite para a súa declaración como Espazo Privado de Interese Natural (EPIN). Todo isto e máis, en Radio Cerna! http://adega.gal/web/radiocerna/programa.php?idioma=gl&id=1202 Fri, 24 Oct 2025 02:04:00 +0200 10:00:00 no Boletín informativo ambiental 24/10/25 O voluntariado de ADEGA actuou esta pasada fin de semana nos montes queimados de Valdeorras para previr a erosión do solo e as escorrentías. E tamén esta fin de semana, ADEGA coordinou a décimo cuarta edición da Limpeza Simultánea de Praias, que reuniu máis de 800 persoas voluntarias en 22 concellos do litoral galego. Ademais, a Xunta anunciou que vai "flexibilizar" a moratoria das plantacións de eucalipto en Galiza. Máis de trinta comunidades de montes galegas veñen de ser recoñecidas polas súas boas prácticas en conservación da biodiversidade e prevención de incendios. Todo isto e máis, en Radio Cerna! http://adega.gal/web/radiocerna/programa.php?idioma=gl&id=1201 Fri, 17 Oct 2025 12:00:00 +0200 10:00:00 no Boletín informativo ambiental 17/10/25 Esta fin de semana, ADEGA e os concellos da Rúa, Petín, O Barco, O Bolo e Vilamartín de Valdeorras impulsan unha gran acción simultánea de voluntariado para restaurar zonas queimadas da comarca. Os datos máis recentes do programa europeo Copernicus contabilizan 171.000 hectáreas ardidas no noso país desde o inicio do verán. O vinculado aos incendios non é o único voluntariado desta fin de semana. ADEGA tamén impulsa a XIV Limpeza Simultánea de Praias en 22 concellos da costa galega baixo o lema “Únete á marea!”. Ademais, a Plataforma en Defensa da Ría de Arousa (PDRA) e outros 23 colectivos do sector do mar denuncian as verteduras recorrentes na Pobra do Caramiñal. Todo isto e máis, en Radio Cerna! http://adega.gal/web/radiocerna/programa.php?idioma=gl&id=1200 Thu, 09 Oct 2025 05:25:00 +0200 10:00:00 no Boletín informativo ambiental 10/10/25 Lumes técnicos en Rede Natura, a proposta da Xunta para previr incendios forestais. ADEGA organiza as primeiras xornadas de voluntariado para a restauración ambiental de zonas queimadas da comarca de Valdeorras. As plataformas Ulloa Viva e En Defensa da Ría de Arousa anuncian unha nova manifestación nacional contra o proxecto de macrocelulosa de Altri en Palas de Rei, que se celebrará o domingo 14 de decembro en Compostela. ADEGA-A Coruña presentou alegacións ao proxecto de urbanización no Monte Mero, promovido polo Instituto Galego de Vivenda e Solo, por considerar que carece da transparencia e participación necesarias e que pode ter un impacto negativo sobre o medio ambiente e a veciñanza. Todo isto e máis, en Radio Cerna! http://adega.gal/web/radiocerna/programa.php?idioma=gl&id=1199 Thu, 02 Oct 2025 10:48:00 +0200 10:00:00 no Boletín informativo ambiental 03/10/25 Comeza a batalla xudicial fronte a Altri: ADEGA, a Plataforma en Defensa da Ría de Arousa e a CIG presentan recursos xudiciais contra o procedemento de concesión de augas solicitado pola multinacional. Bombeiros Forestais do Servizo de Prevención e Extinción de Incendios da Galiza alertan das “moi malas previsións” de risco de lumes para os vindeiros veráns na faixa atlántica do país. Unha información de Praza.gal libera os datos de incendios ocultados pola Xunta: entre o 1 e o 18 de agosto, houbo un total de 447 incendios forestais, a meirande parte deles entre A Coruña e Pontevedra; e os máis destrutivos en Ourense. Todo isto e máis, en Radio Cerna!  http://adega.gal/web/radiocerna/programa.php?idioma=gl&id=1198 Thu, 25 Sep 2025 12:00:00 +0200 10:00:00 no Boletín informativo ambiental 26/09/25 Novo revés para Altri: o Goberno do Estado négalle a conexión á rede que a pasteira precisa para desenvolver a súa actividade na Ulloa. O Partido Popular galego veta unha investigación política da vaga de incendios. Enxeñeiros forestais da Xunta reclaman ao Goberno galego que prorrogue de maneira indefinida a moratoria ás novas plantacións de eucalipto. Máis de 800 persoas participaron este pasado domingo na XVIII Limpeza Simultánea de Ríos organizada por ADEGA a través do seu Proxecto Ríos. Todo isto e máis, en Radio Cerna! http://adega.gal/web/radiocerna/programa.php?idioma=gl&id=1197 Thu, 18 Sep 2025 05:04:00 +0200 10:00:00 no Boletín informativo ambiental 19/09/25 A vaga de incendios do pasado agosto deixou a maior pegada da historia sobre a Rede galega de espazos protexidos: arrasou preto de 38.000 hectáreas en Rede Natura, que supón o seu 11%. ADEGA anuncia que solicitará ao Tribunal Superior de Xustiza de Galiza que impida o cambio de usos nos terreos queimados ameazados por proxectos eólicos. E nas rúas, milleiros de persoas acudiron á chamada da Plataforma por un monte galego con futuro este pasado domingo en Compostela. E esta fin de semana, Galiza volverá mollarse polos ríos. A través do Proxecto Ríos, ADEGA impulsa a XVIII Limpeza Simultánea, que mobilizará case 70 entidades en 51 concellos de todo o país. Un informe alemán estima que a seca histórica do pasado verán supuxo xa unhas perdas de 850 millóns de euros en Galiza. Isto e máis, en Radio Cerna!  http://adega.gal/web/radiocerna/programa.php?idioma=gl&id=1196 Thu, 11 Sep 2025 05:46:00 +0200 10:00:00 no Boletín informativo ambiental 12/09/25 ADEGA reúnese coa Xunta para instala a actuar xa na prevención da erosión e recuperación ecolóxica das zonas ardidas e, en especial, dos espazos protexidos. A conselleira de Medio Ambiente, Ángeles Vázquez, relaciona os lobos cos incendios forestais. O sector apícola, un dos máis castigados polos incendios. E nas rúas, Compostela acollerá este domingo unha gran manifestación contra a xestión forestal da Xunta de Galiza. Un estudo internacional sobre clima asegura que o cambio climático fixo 40 veces máis probables e un 30% máis intensas as condicións que alimentaron os incendios na península. Todo isto e máis, en Radio Cerna!  http://adega.gal/web/radiocerna/programa.php?idioma=gl&id=1195 Thu, 04 Sep 2025 12:00:00 +0200 10:00:00 no Boletín informativo ambiental 05/10/25 A Xunta de Galiza notifica un total de 111.000 hectáreas as arrasadas polo lume no que vai de ano. Falamos de macroincendios alimentados pola acumulación de combustible vexetal en montes abandonados, pola falta de ordenación forestal e polas condicións derivadas do cambio climático. A resposta política da Xunta de Galiza a esta crise está a ser amplamente criticada, tanto pola oposición parlamentaria como nas propias rúas, onde hai convocada unha nova mobilización para o próximo 14 de setembro. Todo isto e máis, en Radio Cerna! http://adega.gal/web/radiocerna/programa.php?idioma=gl&id=1194 Thu, 07 Aug 2025 12:00:00 +0200 10:00:00 no Boletín informativo ambiental 08/08/25 Galiza loita contra a primeira vaga de incendios forestais do verán. A sentenza do Tribunal de Xustiza da Unión Europea sobre os proxectos eólicos non repercutirá na maioría das paralizacións cautelares de parques acadadas pola cidadanía. A Xunta concede a autorización ambiental integrada á planta de fibra branqueada que Ence proxecta construír nas Pontes. Impulsa Galicia, a sociedade público-privada promovida pola Xunta e impulsora de proxectos como o de Altri, anuncia a súa disolución. Todo isto e máis, en Radio Cerna! http://adega.gal/web/radiocerna/programa.php?idioma=gl&id=1193 Thu, 17 Jul 2025 04:18:00 +0200 10:00:00 no Boletín informativo ambiental 18/07/25 Unha sentenza histórica do TSXG condena a Xunta e o Estado por vulnerar dereitos fundamentais ao permitir a contaminación do encoro das Conchas, no río Limia. Conclúe a misión científica do buque francés LAtalante, que identificou máis de 3.500 bidóns radioactivos afundidos fronte á costa galega. Confi xa non está. O arroaz solitario que durante cinco anos frecuentou as augas galegas, especialmente nas rías de Muros-Noia e máis recentemente na de Ferrol, desapareceu, e todo apunta a que faleceu tras sufrir un accidente mortal. Todo isto e máis, en Radio Cerna! http://adega.gal/web/radiocerna/programa.php?idioma=gl&id=1191 Thu, 10 Jul 2025 10:35:00 +0200 10:00:00 no Boletín informativo ambiental 11/07/25 Medra a polémica arredor da opacidade da Xunta no proceso que abriu as portas de Galiza á empresa portuguesa Altri. Tamén hai novidades respecto do outro gran proxecto que centra, canda Altri, a protesta social en Galiza: a mina de Touro-O Pino. Ecoloxistas en Acción vén de presentar no xulgado un informe que acredita a situación de quebra da promotora, Cobre San Rafael. Ademais, ADEGA pon a disposición da cidadanía modelos de resposta para os requirimentos que está mandando a Xunta a numerosas persoas alegantes do proxecto. Igualmente, ADEGA mostra o seu rexeitamento frontal á proposta do Concello de Poio para o espazo natural da Illa de Tambo, que pretende urbanizala e podería convertela nun parque temático. Todo isto e máis, en Radio Cerna! http://adega.gal/web/radiocerna/programa.php?idioma=gl&id=1190 Thu, 03 Jul 2025 12:00:00 +0200 10:00:00 no Boletín informativo ambiental 04/07/25 Unha expedición científica francesa vén de localizar arredor de 1.800 bidóns con residuos radioactivos no fondo mariño do Atlántico, a 650 km da costa galega. Comeza a tempada de alto risco de incendios forestais con menos persoal dispoñible para extinción, nun contexto no que se prevé un verán máis cálido do normal. Ao tempo, Bruxelas suaviza a súa política climática e abre a porta a compensar emisións fóra da Unión Europea. Un novo gromo de botulismo volve afectar á lagoa da Congorza, en Cangas, e causa a morte de varias aves. E rematamos en Lugo, onde ADEGA lanza unha campaña na defensa dos ríos fronte á urbanización. Todo isto e máis, en Radio Cerna! http://adega.gal/web/radiocerna/programa.php?idioma=gl&id=1189 Thu, 26 Jun 2025 07:24:00 +0200 10:00:00 no Boletín informativo ambiental 27/06/25 Altri desiste das axudas do Perte para a descarbonización. Máis de 850.000 persoas en Galiza estiveron expostas a niveis de contaminación do aire que superan os límites legais da UE para 2030. Os sobreirais do Arnego custodiados por ADEGA son obxecto de estudo por parte da Universidade de Vigo. Recta final da campaña de recadación solidaria para protexer o lobo. Todo isto e máis, en Radio Cerna!  http://adega.gal/web/radiocerna/programa.php?idioma=gl&id=1188 Wed, 25 Jun 2025 05:45:00 +0200 10:00:00 no Boletín informativo ambiental 20/06/25 A Comisión Europea declara como “proxecto estratéxico” a mina de litio de Doade, en Beariz, e pon así en marcha unha carreira por acaparar materias primas críticas, pero sen garantir unha planificación axeitada, segundo denuncia ADEGA. Ademais, a Xunta vén de dar luz verde á nova planta de fibras de ENCE nas Pontes cunha Declaración de Impacto Ambiental favorable. Doutro lado, ADEGA lanza unha nova campaña solidaria dentro da iniciativa #TiPodesParalos para frear o parque eólico Pena do Pico, proxectado nos concellos lucenses de Baralla e Becerreá. Todo isto e máis, en Radio Cerna!  http://adega.gal/web/radiocerna/programa.php?idioma=gl&id=1187 Fri, 13 Jun 2025 12:00:00 +0200 10:00:00 no Boletín informativo ambiental 13/06/25 O TSXG paraliza cautelarmente a orde que permite cazar lobos en Galiza. ADEGA presenta ao Estado argumentos sólidos e baseados na ciencia para manter esta especie como estritamente protexida na Directiva Hábitats da UE. E seguimos nos tribunais: a Xustiza europea avala o veto á pesca de fondo en 87 zonas sensibles do Atlántico nordeste. Unha vertedura de xurros arrasa o río Landro. Todo isto e máis, en Radio Cerna!