http://adega.gal/web/radiocerna/ gl http://adega.gal/web/radiocerna/images/logo_radio.png http://adega.gal/web/radiocerna/ no Radio CERNA é o primeiro espazo radiofónico especializado na temática medioambiental e ecoloxista en Galiza. Está realizado pola Asociación para a Defensa Ecolóxica de Galiza (ADEGA) para difundir a través da rede e das emisoras locais galegas toda a información relativa á situación medioambiental do país. O espazo dura uns 10 minutos e actualízase todos os días de luns a venres. http://adega.gal/web/radiocerna/programa.php?idioma=gl&id=1105 Fri, 12 May 2023 09:10:00 +0200 00:10:00 no Boletín informativo ambiental 12/05/23 Comezan a aparecer publicadas no DOG as primeiras resolucións das 75 autorizacións de proxectos eólicos, outorgadas o pasado mes de abril pola Xunta. Os parques eólico Rodicio II e Monte da Croa xa están en tempo de desconto para a presentación de recursos contra ditas autorizacións. ADEGA anuncia que nos próximos días iniciará unha campaña de recadación solidaria para poder afrontar os recursos xudiciais contra varios destes proxectos, que considera antiecolóxicos, especulativos e socialmente inxustos. No mar, o Tribunal Supremo admite o recursos dos mariñeiros contra os plans de  ordenación dos espazos mariños do Estado, que son os que marcan onde colocar a eólica mariña. Mentres a ministra Ribera defende a compatibilidade dos eólicos mariños coa pesca, os demais grupos do Congreso retíranlle o apoio. Isto é só o comezo. Coñece máis novas da semana escoitando este programa de Radio Cerna. http://adega.gal/web/radiocerna/programa.php?idioma=gl&id=1104 Fri, 05 May 2023 08:51:00 +0200 00:10:00 no Boletín informativo ambiental 05/05/23 ADEGA anuncia unha batería de recursos xudiciais contra a aprobación exprés de 75 macroproxectos eólicos por parte da Xunta que teñan un especial impacto sobre o patrimonio natural e cultural e adianta que porá a andar unha campaña de recadación colectiva para tal fin. Nesta semana tamén denunciu máis dunha ducia de plantacións ilegais de eucalipto na Serra do Xistral en zona de ampliación da Rede Natura e con hábitats prioritarios. A seca pon en garda aos profesionais de prevención dos lumes forestais, que seguen pedindo ser incorporados a tarefas de prevención durante todo o ano, cando está en marcha o anteproxecto dunha nova lei de incendios. Escoitarás en detalle estas e outras novas da semana, aquí en Radio Cerna! http://adega.gal/web/radiocerna/programa.php?idioma=gl&id=1103 Fri, 21 Apr 2023 12:00:00 +0200 00:10:00 no Boletín informativo ambiental 21/04/23 Este domingo 23 de abril, a Coordinadora Eólica Así Non acordoará a Xunta de Galicia, en San Caetano, Santiago de Compostela, para esixir ao goberno galego que denegue máis de 75 proxectos eólicos cuxa data de autorización vence a vindeira semana. De aprobarse esta enxurrada de parques eólicos, sen unha planificación con fins sociais e ambientais, os danos poderían ser irreversíbeis, advirte a organización. Moitas da plataformas locais afectadas pola invasión eólica xa se están preparando para o que se aveciña e anuncian accións xudiciais. Doutra banda, o Ministerio tomba os proxectos eólicos Barxas e Prada que pretendía colocar 53 aeroxeradores nas montañas do Courel, O Bierzo e Pena Trevinca. Estas e outras novas, no boletín informativo de Cerna! http://adega.gal/web/radiocerna/programa.php?idioma=gl&id=1102 Fri, 14 Apr 2023 12:00:00 +0200 00:10:00 no Boletín informativo ambiental 14/04/23 Esta semana anunciouse o primeiro proxecto de eólica mariña transfronteirizo do sur de Europa, entre Galiza e Portugal, cunha potencia de instalación de 2 GW. e 530 km2 de superficie ocupada. A eólica mariña está aparecendo con forza fronte a un sector pesqueiro moi preocupado. A Xunta presentou tamén nestes días a súa estratexida de mobilidade, a cal non contempla a necesidade de reducir desprazamentos nin distancias e ADEGA enfoca esforzos na defensa do Val do río Rato en Lugo e pon a disposición un modelo de alegacións para presentar antes do vindeiro martes 18. E mañá sábado, celebra a súa 47ª Asemblea Xeral na cidade romana, na que entregar os premios osíxeno e dioxina 2022. http://adega.gal/web/radiocerna/programa.php?idioma=gl&id=1101 Thu, 30 Mar 2023 08:48:00 +0200 00:10:00 no Boletín informativo ambiental 31/03/23 A primeira vaga incendiaria de 2023 tivo lugar esta semana na provincia de Lugo. Baleira, A Fonsgrada e Ribeira de Piquín foron os municipios máis afectados, chegando a calcinarse xa 1500 hectáreas. Este gran lume prodúcese antes de que a Xunta teña aprobado o Pladiga deste ano e co 50% das brigadas inoperativas. ADEGA denunciou á Xunta por eliminar a través de rozas de prevención de incendios un monte de carballo anano, especie vulnerable e incluída no Catálogo Galego de Especies Ameazadas, e ademais nun espazo natural protexido como Rede Natura, no Monte Pindo. No eido enerxético, Eólica Así Non convoca nova mobilización para o 23 de abril, e comeza o pingar de autorizacións de proxectos eólicos. http://adega.gal/web/radiocerna/programa.php?idioma=gl&id=1100 Fri, 24 Mar 2023 07:37:00 +0200 00:10:00 no Boletín informativo ambiental 24/03/23 A Coordinadora Eólica Así Non convoca unha nova mobilización galega para o domingo 23 de abril, contra o actual modelo depredador e especulativo da enerxía eólica. O acto convida a "rodear" a Xunta literalmente, facendo unha cadea humana ao redor do edifico de San Caetano, en Santiago de Compostela. Doutra banda, o presidenta Rueda muda de idea e agora si que contempla a creación dunha empresa público-privada para participar en proxectos de enerxías renovables para "que os beneficios das enerxías renovables e minaría revirtan na sociedade galega". E esta semana publicáronse novos datos do panel de expertos sobre cambio climático. Escoita integramente este boletín informativo, dándolle ao "play". http://adega.gal/web/radiocerna/programa.php?idioma=gl&id=1099 Thu, 09 Mar 2023 12:00:00 +0200 00:10:00 no Boletín informativo ambiental 10/03/23 ADEGA traslada a denuncia contra a Xunta por perdoarlle 12 millóns a Greenalia á Fiscalía Xeral do Estado, o sector do mar levántase contra a eólica mariña e os plans de ordenación do espazo mariño do Ministerio de Transición ecolóxica, e coñécese a sentenza de Ence que permite á pasteira permanecer na ría de Pontevedra ata 2073, e o voto particular dunha maxistrada que cre que esta decisión do Supremo impedirá a recuperación do dominio público e causará enormes custos a longo prazo. Estas entre outras moitas novas que nos deixa a semana no eido ambiental galego. http://adega.gal/web/radiocerna/programa.php?idioma=gl&id=1098 Fri, 03 Mar 2023 12:00:00 +0200 00:10:00 no Boletín informativo ambiental 03/03/23 Como vén sendo habitual, a actual invasión eólica segue marcando a actualidade ambiental do país, pero esta semana, desde o ámbito mariño. O Ministerio de Transición Ecolóxica vén de aprobar o Plan de Ordenación Mariña que marca as zonas de implantacións dos macroeólicos no mar. Un plan que ofrece repulsa absoluta no sector pesqueiro e oposición tamén desde terra. A semana tamén deixa novas positivas, como a declaración do Día do Naturalismo Galego ou a caída da cheminea da térmica de Meirama. Preme para saber máis! http://adega.gal/web/radiocerna/programa.php?idioma=gl&id=1097 Fri, 24 Feb 2023 12:00:00 +0200 00:10:00 no Boletín informativo ambiental 24/02/23 Existe relación entre o veto á pesca de arrastre e os intereses do lobby enerxético? O sector do mar expón ao debate público esta cuestión ante a inminente aprobación do plan de ordenación do espazo mariño por parte do Ministerio de Transición Ecolóxica. O PP do Parlamento veta tamén unha investigación sobre os plans industriais ligados aos proxectos eólicos que gañaron o concurso de 2010 e rexorden algunhas ameazas para o noso medio ambiente como a polémica mina de San Finx. Outras, sen embargo, decaen como a centra hidroeléctrica reversible da Baixa Limia denominada Salas-As Cunchas. Maís información sobre a contorna ambiental galega, aquí en Radio Cerna! http://adega.gal/web/radiocerna/programa.php?idioma=gl&id=1096 Fri, 10 Feb 2023 12:00:00 +0200 00:10:00 no Boletín informativo ambiental 10/02/23 A sentenza do Tribunal Supremo autorizando a ENCE permanecer por outros 60 anos na Ría de Pontevedra cae como xerra de auga fría na cidade do Lérez e no resto do país. As reaccións negativas sucédense por parte das entidades ecoloxistas APDR, ADEGA e outras, así como parte do concello e de Greenpeace, entidades recorrentes. Doutra banda, a pasteira e a Xunta celebran con xúbilo a decisión do Tribunal. Mala nova para a defensa da terra e do monte, condenado a seguir sufrindo por décadas a lacra do eucalipto. A outra ameaza dos montes, a invasión eólica, segue o seu camiño. Porén, comeza a configurarse outro modelo enerxético alternativo ao actualmente imposto polo oligopolio a través da celebración das Xornadas "Temos Alternativa" da Coordinadora Eólica ASí Non. Unhas xornadas que resultaron moi exitosas e que dan pulo ao deseño da alternativa enerxética por parte do pobo galego. Coñece as novas ambientais da semana neste espazo de Radio Cerna... http://adega.gal/web/radiocerna/programa.php?idioma=gl&id=1095 Fri, 03 Feb 2023 12:00:00 +0200 00:10:00 no Boletín informativo ambiental 03/02/23 Tras aprobación en bloque de 77 declaracións de impacto ambiental favorables de proxectos eólicos pola Xunta a pasada semana, comezan a aparecer novas autorizacións destes proxectos industriais no rural galego. ADEGA chama a atención sobre a situacion do parque eólico de O Picato, o primeiro de Lugo, situado nunha zona de protección da avifauna e a poucos metros de dous Patrimonios da Humanidade, a Muralla de Lugo e o Camiño de Santiago. Esta fin de semana, a Coordinadora Eólica Así Non convida á construción colectiva dun modelo enerxético alternativo no Pazo de Cultura de Pontevedra. E no día mundial das zonas húmidas toca volver tirar das orellas á Xunta, que leva máis de 15 anos esquecéndose de protexer estes valiosos ecosistemas naturais, e de novo salta a alarma sobre as bombas biolóxicas das granxas de visón. Desta volta, como transmisoras da gripe aviar. Todas estas novas e máis, en Radio Cerna! http://adega.gal/web/radiocerna/programa.php?idioma=gl&id=1094 Fri, 27 Jan 2023 12:00:00 +0200 00:10:00 no Boletín informativo ambiental 27/01/23 Enxurrada de declaracións de impacto ambiental favorábeis para parques eólicos nesta semana, ante a data límite establecida polo Ministerio ás promotoar para acadar o permiso ambiental se non querían perder o permiso de acceso á rede eléctrica. De 140 macroproxectos eólicos, 120 obtiveron declaración ambiental, e destas 77 foron favorábeis. O territorio galego entregado ás multinacionais da enerxía, á costa de recurtar dereitos democráticos e minimizar as garantías ambientais, á vez que se impón unha elevada inseguridade xurídica. Mentres a conselleira de Medio Ambiente e o conselleiro de Industria se gaban dos logros acadados, os colectivos sociais e ecoloxistas xa se preparan para a contenda xudicial e para mobilizarse nas rúas. Máis novidades, se premes para escoitar! http://adega.gal/web/radiocerna/programa.php?idioma=gl&id=1093 Fri, 13 Jan 2023 12:00:00 +0200 00:10:00 no Boletín informativo ambiental 13/01/23 ADEGA fai balanzo do ano 2022 e vaticina un 203 moi duro na defensa do medio ambiente galego fronte a invasión eólica, tanto por terra como por mar. A coordinadora Eólica Así Non convoca á sociedade galega ás xornadas "Temos Alternativa" para construír colectivamente un modelo enerxético alternativo fronte o modelo eólico actual, depredador co territorio e abusivo coas persoas. E, nesta semana, a defensa do mundo animal faise de novo patente por mor do uso de dromedarios vivos nas cabalgatas de Reis galegas ou pola negativa da Xunta de ingresar máis de 4 millóns de euros para preservación do lobo e pago de indemnizacións por danos, ao non aceptar a estratexia de conservación do goberno estatal desta especie emblemática. Tamén o sector da agroecoloxía está en pé de guerra... Se queres saber por que, escoita Radio Cerna! http://adega.gal/web/radiocerna/programa.php?idioma=gl&id=1092 Fri, 30 Dec 2022 12:00:00 +0200 00:10:00 no Boletín informativo ambiental 30/12/22 Escoita o último boletín deste ano 2022 de Radio Cerna! O actual repaso informativo sobre o medio ambiente galego recolle a declaración da factoría de Altri como proxecto industrial estratéxico, a moratoria eólica aprobada no concello de Xinzo ou os novos datos censais do lobo en Galiza e a publicación de novos decretros sobre macrogranxas e envases de plástico. Voltamos en 2023! http://adega.gal/web/radiocerna/programa.php?idioma=gl&id=1091 Fri, 23 Dec 2022 12:00:00 +0200 00:10:00 no Boletín informativo ambiental 23/12/22 A eólica mariña en Galiza xa xunta 9 proxectos en tramitación, dos que 5 afectan á Mariña Lucense. Na eólica en terra, a Xunta dá unha de cal e outra de area, e no Parlamento de Galiza segue esquivando ás incómodas preguntas sobre o "caso Greenalia", relativo ao perdón dos preto de 12 millóns de euros que a empresa tiña que ter depositado na facenda pública, e a denuncia de ADEGA ao respecto na Fiscalía. Mais o fito histórico da semana, protagonizouno unha imaxe: a do derrubo da torre da térmica de Meirama... 10 segundos nos que se resumiron 42 anos de loita veciñal e ecoloxista nas Encrobas e toda unha era de contaminación e degradación ambiental do país. http://adega.gal/web/radiocerna/programa.php?idioma=gl&id=1090 Fri, 16 Dec 2022 12:00:00 +0200 00:10:00 no Boletín informativo ambiental 16/12/22 Continúa incesante a pingueira de autorizacións de proxectos eólicos en Galiza. Nesta última semana outros tres parques eólicos foron aprobados. No Parlamento o PP esquiva falar da denuncia de ADEGA contra a Xunta na Fiscalía por perdoarlle 11 millóns de euros a Greenalia no canto de obrigarlle a executar un plan industrial, e a sociedade galega volve dar un golpe na mesa a través das mobilizacións contra a invasión eólica das montañas o pasado 11 de decembro. Outros temas deste boletín: plan de hidróxeno de Meirama, sentinazo na Illa de Arousa, ou o Plan de Xestión das Fragas do Eume... Escoita Radio Cerna! http://adega.gal/web/radiocerna/programa.php?idioma=gl&id=1089 Fri, 02 Dec 2022 12:00:00 +0200 00:10:00 no Boletín informativo ambiental 02/12/22 Pronto finaliza o ano e toca facer balanzo. A Xunta dá conta dos proxectos eólicos autorizados, informados afvorablemente ou rexeitados neste 2022. E ADEGA denúnciaa por presunta prevaricación e malversación de fondos, ao eximir a Greenalia de pagar case 12.000.000 de euros á facenda pública e de executar o plan industrial comprometido no concurso eólico de 2010. Este feito desata dúbidas sobre a legalidade na tramitación dos plans industriais asociados a proxectos eólicos que obtiveron adxudicacións de potencia no concurso de Núñez Feijóo. Os pasos adiante da fábrica de téxtiles de Altri, a xudicialización da mina de Touro ou a posición europea con repecto á protección do lobo son outras das novas que nos deixa a actualidade medioambiental da última semana. http://adega.gal/web/radiocerna/programa.php?idioma=gl&id=1088 Fri, 18 Nov 2022 12:00:00 +0200 00:10:00 no Boletín informativo ambiental 18/11/22 A Xunta informa favorablemente a 13 proxectos eólicos de máis de 50MW que incumpren o Plan Eólico de Galiza e que están a ser tramitados polo Ministerio de Transición Ecolóxica. Cambia así de criterio, xa que na súa maioría foran informados negativamente por parte do goberno galego hai meses. Rueda xustifica esta viraxe en que agora estes proxectos servirán para abastecer de enerxía, total ou parcialmente, a industrias como Alcoa (na mariña luguesa), Sentury (na contorna das Pontes) e Showa Denko, na Coruña. As grandes beneficiadas por esta excepcionalidade do goberno popular, Greenalia e Enel Green Power. Por outra banda, Alcoa pretende volver a usar fuel para a produción de alúmina e demanda novas excepcionalidades á Xunta con respecto aos límites de emisións contaminantes. Atoparás máis novas da actualidade ambiental neste novo capítulo de Radio Cerna! http://adega.gal/web/radiocerna/programa.php?idioma=gl&id=1087 Fri, 11 Nov 2022 12:00:00 +0200 00:10:00 no Boletín informativo ambiental 11/11/22 Numerosos actos se desenvolven estes días en Galiza na memoria da peor catástrofe ambiental da nosa historia: o Prestige. ADEGA fai avaliación da actualidade logo de 20 anos desde a marea negra e outras voces, como a plataforma Nunca Máis, álzanse contra a impunidade e alertan do perigo obvio de que se repita un desastre similar. No ámbito da eólica Xunta e goberno do Estado achegan posturas e prometen coordinarse para facilitar a autorización de novos parques eólicos en Galiza, en terra e en mar, pero sobre todo para favorecer industrias como a futurible fábrica de celulosas Altri ou Alcoa. Paralelamente, seguen caendo proxectos, desta volta o PE O Merendón, na Serra da Groba. A seca e o cumio sobre o cambio climático están tamén entre as novas ambientais de actualidade desta semana. http://adega.gal/web/radiocerna/programa.php?idioma=gl&id=1086 Fri, 04 Nov 2022 12:00:00 +0200 00:10:00 no Boletín informativo ambiental 04/11/22 A campaña de recadación solidaria "Ti podes paralos" consegue finalmente o seu reto, paralizar cautelarmente os proxectos eólicos Campelo e Bustelo de Greenalia, na área localizada arredor da Lagoa de Alcaián. En tan só 7 días acadáronse os 20.000 euros de aval que impuxo o TSXG para efectivizar tales paralizacións, constituíndo as primeiras da historia que se efectuan grazas á vontade popular e sen que as obras dos proxectos tivesen iniciado. No eido enerxético, abordamos máis cuestións de actualidade, como a volta á produción da térmica das Pontes ou un suposto novo fraude de Iberdrola para lucrarse co prezo da luz. Escoita Radio Cerna!