Radio CERNA

Radio CERNA

Buscador

Formulario de busca

19/11/2013   [00:10:00]   [5.74 MB]

Universidades rurais de iniciativa privada: Rural Activo

Nos últimos tempos, creáronse en Galiza varias iniciativas de carácter privado para achegar a formación nos valores ambientais e patrimoniais das poboacións rurais, ben como recurso para o autoemprego, ben para a instrución persoal. Hoxe e mañá coñeceremos dous destes proxectos: Rural Activo e a Universidade rural de Barreiros.

18/11/2013   [00:10:00]   [5.74 MB]

A defensa ambiental nos tribunais. Rede de avogados ambientalistas

A Rede de avogados para a defensa ambiental, RADA, creouse co obxectivo de poñer en valor o labor dos letrados ambientalistas e das causas de defensa ambiental ante os tribunais. As leis ambientais xa son de "terceira" e nin tan sequera as propias Administracións cumpren coas leis que elas mesmas crean. Montserrat Valencia descríbenos o panorama co que se atopan actualmente os defensores xurídicos da natureza.

15/11/2013   [00:10:00]   [5.73 MB]

Especial sentenza do Prestige: as reaccións diante do TSXG

As reaccións ante a setenza do Prestige non se fixeron agardar. Recollemos algunhas testemuñas ás portas do Tribunal Superior de Xustiza de Galiza momentos posteriores á lectura do fallo. Neste espazo Cerna podédelas escoitar.

14/11/2013   [00:10:00]   [5.75 MB]

A sentenza do Prestige: o resumo

Escoita un resumo da sentenza do Prestige lida onte no TSXG. O fallo resultou sorprendente para a maioría dos presentes, sobre todo, para o colectivo social e ecoloxista que se concentraba ás portas do Tribunal. Neste espazo traladamos parte da sentenza na voz do xuíz Luis Aláez. Xulga por ti mesmo/a!

13/11/2013   [00:10:00]   [5.74 MB]

I Foro Europeo sobre residuos en Galiza

ADEGA organiza o I Foro Europeo sobre residuos de Galiza os días 22 e 23 de novembro no Sexto Edificio do Museo de Pontevedra. Baixo o título "Cara a unha sociedade da reciclaxe. Iniciativas e experiencias", ADEGA traerá relatores de varias localidades europeas nas que se están a xestionar os residuos urbanos sen botar man da incineración, e cun notable éxito. O Foro tratará de abrir novos camiños para que estes modelos de xestión baseados na reciclaxe e na compostaxe teñan tamén cabida en Galiza.

12/11/2013   [00:10:00]   [5.74 MB]

Estudo sobre as causas da desaparición das abellas en Galiza

Unha tese doutoral, realizada por Encarna Garrido, entre 2006 e 2008, indica que a causa principal da desaparición das abellas en Galiza é o mal uso que se fai dos tratamentos contra o parásito da varroa, e non tanto a aplicación de agrotóxicos, como o fipronil. Se queres coñecer máis afondo as conclusións deste estudo, escoita este espazo.

Radio CERNA
Ronda Fontiñas, 180 Entrechán. 27002 Lugo
Tlf: 982 240 299 Email: radiocerna@adega.gal
Administración:Avenida de Castelao, 20-Baixo 15704 Santiago de Compostela
Tlf/Fax: 981 570 099 Email: adega@adega.gal