ADEGA

Inicio / Novas / Delegacións / As caldas artificiais de Lugo son un despilfarro...

17-02-2020

As caldas artificiais de Lugo son un despilfarro enerxético

As actuacións que o goberno local de Lugo acomete contra o Río Miño, poñen de manifesto a falta de sensibilidade e recoñecemento dos seus valores naturais. Tratan de achegar o río ás persoas, e non ao revés. O río Miño, ao seu paso por Lugo, está catalogado dentro da Rede Natura 2000, recoñecemento que o Concello toma como impedimento mais que como riqueza.

Construír unhas piscinas de auga quente exteriores parece o antollo dalguén totalmente alleo á situación de emerxencia climática que estamos a vivir, e lembremos que foi declarada polo mesmo partido político. Deberan tratar de buscar medidas para reducir as emisións de CO2 actuais, e non implantar novas instalacións totalmente innecesarias, e que supoñen un custo enerxético, por moi eficientes que sexan.

Estas instalacións poderían localizarse em calquer parque de calquer cidade, vila, ou pobo. O proxecto contempla a construcción dunhas piscinas exteriores de auga quente. Esta auga será tomada do abastecemento e quentada com aerotérmia. É um gasto enerxético totalmente prescindible, cuxo mantemento vai xerar emisións de CO2, superiores as que tería unhas piscinas com auga termal natural.

Espazos naturais privatizados

Estanse malgastando recursos enerxeticos e ambientais para implantar espazos de esparcimento lúdico que xa existen, pero privatizados, como son o Clube Fluvial ou o Balneario.

Se realmente hai unha necesidade social, haberá que recuperar as termas naturais existentes, e non crear termas artificiais que redundan em prexuicio de todas a nivel económico e a nivel ambiental. En vez de ocupar os espazos naturais con novas infraestructuras, deberan destinar eses cartos a recuperar os espazos naturais de mans privadas. 

ADEGA / Asociación para a defensa ecolóxica de Galiza
Travesa dos Basquiños, 9-Baixo 15704 Santiago de Compostela
Tlf/Fax: 981 570 099 Email: adega@adega.gal