ADEGA

Inicio / Novas / ADEGA Nacional / Sermos-ADEGA nº 11: Eucaliptos, patrimonio,...

30-06-2017

Sermos-ADEGA nº 11: Eucaliptos, patrimonio, ríos... A loita que non cesa!

Capa de Sermos-ADEGA 11

Os eucaliptos superaron o medio millón de hectáreas na Galiza e mesmo inzaron lugares emblemáticos como a Prazo do Obradoiro compostelá e a Ferrería de Pontevedra, imaxes que reactivaron a loita contra a eucaliptización, da man da Rede Cousa de Raíces, unha loita pola conservación da nosa natureza e dos nosos recursos produtivos, mesmo do patrimonio etnográfico e cultural. Un contexto no que ADEGA e outros colectivos presentaron no último ano máis de 300 denuncias, das que a administración so puido resolver unha de cada cinco, mais que abondan para demostrar o manifesto incumprimento da lei. Unhas páxinas que estaban a escribirse no mesmo intre no que a traxedia do lume se cebaba no pais veciño, sen dúbida acrecentada nas súas dimensións por un monte inzado de eucaliptos e sen o debido ordenamento e coidado.

Poucos éxitos se poden nomear na loita ecoloxista contra a eucaliptización, que non por iso deixa de ser un tema de grande incidencia para o noso medio, a substentabilidade a o futuro ambiental, social e mesmo a seguranza na Galiza. Por iso, estas páxinas do Sermos  ADEGA recollen dous casos de éxito noutros ámbitos, o dique do Miño (Lugo) e a Cova Eirós (Triacastela), despois de longas e intensas loitas contra a desidia das administracións (in)competentes. E aproveitamos para saudar dúas iniciativas que veñen a reforzar este traballo, no eido dos ríos e do patrimonio cultural.

Descargas

ADEGA / Asociación para a defensa ecolóxica de Galiza
Travesa dos Basquiños, 9-Baixo 15704 Santiago de Compostela
Tlf/Fax: 981 570 099 Email: adega@adega.gal