12-02-2016

Membros de Verdegaia, ADEGA, SGHN, Comunidade Menáncaro solicitan protección para a fraga de Menáncaro

Protección da Fraga de Menáncaro en Ferrol. Xuntanza de colectivos ecoloxistas có Concello de Ferrol

Defensa da carballeira de Menáncaro e outras zonas sensibles de Ferrol

A Fraga de Menáncaro é unha das poucas manchas de bosque autóctono que se conserva no concello, xunto coa Fraga de Monte Fontelo (A Graña), Fraga da Pega e da Casa do Monte (Leixa) e o Acibreiral das Forxas (Covas), espazos naturais que tamén se deberían conservar e protexer. Un dos feitos que fai de Menáncaro unha zona cunha carballeira singular é a presencia de individuos centenarios de porte excepcional, base dun bosque maduro e de gran biodiversidade.