Programa Xeral de EA dirixido a centros de ensino, asociacións etc... Traballa distintos aspectos da problemática ambiental (auga, transporte, biodiversidade, etc.) dende un punto de vista global e integrador. É unha dinámica aberta, continuada no tempo e que permite traballar con distintos grupos sociais e franxas de idade, adecuando os programas as súas características.

A finalidade deste programa é divulgar a compostaxe caseira como método de tratamento dos residuos orgánicos no propio fogar (na horta, xardín ou no garaxe), subministrando os coñecementos prácticos e o asesoramento individualizado preciso para mellorar esta práctica, consolidándoa como unha alternativa ecolóxica e de futuro. Clica na ligazón para baixar o manual explicativo da COMPOSTAXE CASEIRA

O Proxecto Ríos é unha iniciativa de concienciación, educación e participación cidadá en defensa dos nosos ríos. Fundaméntase na realización de inspeccións do estado dos ríos galegos por parte de persoas ou grupos voluntarios a nivel local, co obxectivo final de facerse responsábeis da vixianza (adopción) do río que pasa polo seu municipio ou localidade.