Sábado 30 de outubro. O outono oferécenos múltiples posibilidades. É a estación dos froitos, da recolleita... Acheguémonos ao interesante mundo dos cogumelos, aprendendo a diferencialos, valorando a súa diversidade e, como non, apreciando os seus sabores e as súas múltiples posibilidades culinarias. Na Eira da Xoana, o equipamento de ADEGA en Ramil (Agolada), este sábado a partires das 11h. Consulta ubicación e percorrido através desta ligazón do GOOGLE MAPS

Joomla Templates and Joomla Extensions by ZooTemplate.Com

Con motivo do Día Mundial da Arquitectura (primeiro luns de outubro) a Asociación Setestrelo vén de fallar os premios Gómez Román de arquitectura tradicional. Nesta primeira edición, o equipamento de ADEGA "A Eira da Xoana", sé do proxecto Aldeaverde, acadou o galardón na categoría de construcións tradicionais rehabilitadas e restauradas. O xurado valorou que esta intervención, ubicada na parroquia de Ramil, n'A Golada, conxuga "unha perfecta comprensión das construcións e a contorna vinculante, co resultado de recuperación da autenticidade e o ambiente tradicional, sen deixar de recrear a capacidade de provocar unha actual experiencia identitaria". Paradoxalmente, este recoñecemento coincide coa denegación pola Consellaría de Cultura de senllas axudas á Eira da Xoana para o equipamento e realización de actividades culturais. Será que só hai cartos para o Xacobeo e o Papa? Baixa a proposta premiada Proxecto "Eira da Xoana" (1.75 Mb)

Joomla Templates and Joomla Extensions by ZooTemplate.Com

22 de agosto de 2010. O Castelo de Pambre, situado a uns escasos 3 km da Eira da Xoana, é a obra mais senlleira da arquitectura medieval militar de Galiza. Este ano, por fin, despois de varias décadas fechado ao público, e grazas ao labor da Plataforma pola Defensa do Alto Ulla, veciñanza e á vontade colaboradora dos actuais donos, abríuse ao público. Agora cómpre dar novos pasos, como a merca para uso público e a súa posta en valor, através da súa restauración e a do seu interesante contorno: camiño real, ponte medieval, castro de Remonde, muíño do Henrique, antiga planta da luz do Coello coas suas pozas de baño, etc.

Joomla Templates and Joomla Extensions by ZooTemplate.Com

16 de abril de 2010. ADEGA acaba de coñecer que a D. X. de Conservación da Natureza autorizou a celebración dunha proba do Campionato de España de Enduro en pleno LIC Serra do Candán, espazo protexido da nosa Rede Natura 2000. O "evento" terá lugar este 25 de abril no corazón do espazo protexido, hábitat dunha das 10 parellas reprodutoras do bufo real (Bubo bubo) existentes en Galiza, nestes intres está en plena época de cría. Curiosamente, na autorización da Xunta inclúense algunhas sorprendentes medidas como que "non se poderán usar altofalantes dentro do espazo natural protexido". Tendo en conta que a proba transcorre íntegramente dentro do LIC, non deixa de ser absurdo que á administración lle preocupe máis o impacto da megafonía sobre as especies protexidas que o estrondo e as desfeitas de ducias de motos.

Joomla Templates and Joomla Extensions by ZooTemplate.Com

Sábado 6 de marzo de 2010, Eira da Xoana (Ramil). Por fin este pasado sábado o tempo acompañounos na Eira da Xoana e puidemos realizar a primeira aproximación á cestería. Foi entón posible deixar a tarde do venres seis mollos de bimbios no río, para que colleran a sazón coa auga e estiveran máis flexíbeis. Poidemos logo preparar unha exposición de ferramentas de cestería e unha boa colección de cestos e elementos elaborados coas mesmas técnicas de tecido. Xerras, sombreiros, coroza, cestos ornamentais, cesto culeiro, cesta da asa, etc. Os obxectos tiñan a súa orixe tanto en diversos lugares do noso país como en outros puntos do mundo.

Joomla Templates and Joomla Extensions by ZooTemplate.Com