ENCONTRO DA SOCIEDADE GALEGA DE EDUCACIÓN AMBIENTAL NO ALTO ULLA
Pola presente convidámosvos a participar no vindeiro encontro da Sociedade Galega de Educación Ambiental, que se desenvolverá na última fin de semana deste mes de xaneiro, na Granxa Arqueixal (Albá, Palas de Rei). Vai o programa básico:
Sábado 26
12:00 Coñecemento do equipamento, historia e proxectos de Arqueixal. Presentación de novos materiais en educación ambiental.
14:30 Xantar comunitario de bocadillo ou do que cada quen leve.
16:00 Asemblea da SGEA. Debates sobre a educación ambiental en Galiza.
21:00 Cea para tempos invernais con viandas locais ecolóxicas (caldo de grelos, xarrete guisado, iogures, queixos e marmeladas de Arqueixal).
22:00 Tempo libre. Durmida nas confortables casas de turismo rural de Arqueixal (podedes velas en http://www.arqueixal.com/agro/casas_palleira.htm <http://www.arqueixal.com/agro/casas_palleira.htm> ).
Domingo 27
09:30 Almorzo con leite, iogures, queixo e marmeladas de Arqueixal e galletas mariñeiras, todo en ecolóxico.
10:30 Ruta pola Ulloa. Estamos xestionando a visita ao equipamento de EA de ADEGA (Eira da Xoana) e á iniciativa emprendedora de plantas aromáticas e cosmética Milhulloa, polo menos.
14:30 Xantar libre ou no restaurante da zona que elixamos.
17:00 Despedida.
A asistencia é libre, pero se queredes quedar a cear+durmir+almorzar (aproximadamente, 20 euros todo; o xantar do domingo, á parte), mandade un correo-e a
Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo
; por suposto, podedes convidar a parellas, amigos/as, etc. a acompañarnos. Animádevos, que o pasaremos moi ben, e aprenderemos moito nun escenario espectacular.
Sociedade Galega de Educación Ambiental |