Rematando practicamente o ano 2012, ao igual que fixeramos a finais do ano 2011, é a nosa intención propiciar un encontro de todas aquelas persoas que vindes ás actividades que se organizan na Eira, e mesmo daquelas nas que este proxecto esperta algún tipo de interese e que polo motivo que fora, aínda non visitaron o equipamento.

Os obxectivos xerais desta xuntanza son claros:

• Avaliar cualitativa e cuantitativamente as actividades realizadas durante este último ano.
• Programar actividades para o vindeiro ano para darlle vida a este equipamento de educación ambiental, desenvolvemento cultural e local.

Para elo precisamos de ti, de vós… de xente que aporte as súas opinións, faga propostas e mesmo se implique na implementación de novos proxectos na Eira da Xoana.
Máis que nunca quizais é importante contar coa vosa presenza coma observadores no funcionar deste PROXECTO COLECTIVO.
Así que, non o dubides máis, achégate o vindeiro sábado á Eira da Xoana, e contribúe a poder seguir facendo realidade esta «Utopía» no que xa vimos a denominar coma «República Independente do Alto Ulla».
Agardámoste!

PROGRAMA:

11.00 h => Comezo das activades comunitarias

14.30 h => Xantar. Cadaquén levará comida para compartir. Haberá queixo con marmelo e café. Aportación solidaria 3 €.

16.30 h => Asemblea Popular. Orde do día:

1. Análise das actividades realizadas
2. Propostas para o futuro
3. Varios

18.00 h => Remate da Actividade