| Suba reivindicativa ao Monte Seixo |
|
|
|
Sábado, 27. Agosto 2011, 10:00
|
|
O sábado 27 de agosto, encarreiraremos unha vez máis os nosos pasos cara aos altos do monte do Seixo (Terra de Montes), a Montaña Máxica, dez anos despois da súa conversión en parque eólico.
Ascenderemos en coche dende Cerdedo até Chan de Mamas. Principiaremos a nosa camiñada en Chan de Mamas deica Portalén e o Marco do Vento ou, quizais, deica Santa Mariña.
Se o día acompañar, xantaremos nalgún dos piñeirais do Seixo, ao socairo dos aeroxeradores. Se chover, o plan B contempla a posibilidade de facelo a cuberto, nun establecemento hostaleiro de Cerdedo, en troco das consumicións.
O roteiro e moi levadeiro, apto para todos os públicos. O punto de encontro é a praza da igrexa da Cerdedo, a iso das 10'00 h. Agardaremos un chisco polos que veñen de lonxe.
Animádevos. Vémonos o 27. Salvemos o Seixo!!
Apoian: Asociación Pola Defensa da Ría (Pontevedra), A.C. Amigas da Cultura (Pontevedra), A.C. Canón de Pau (Cotobade), Asociación de Mulleres Espadela (Cerdedo), Instituto Galego de Estudos Célticos, C.S. Lume (Vigo), A.C. Trentinán (A Lama), Vaipolorio (Ponte Vedra), Asociación Ecoloxista e Cultural Verbo Xido (Terra de Montes), ADEGA
|
Volver
|
Actividades
Todo repite 
Subscribir a fonte RSS