19-07-2022

Concentración en Lugo, LUMES NUNCA MÁIS NO COUREL!

O lume non dá tregua nos montes galegos e nós non o faremos nas rúas. Ao berro de LUMES NO COUREL NUNCA MÁIS!, convocamos unha concentración para esta tarde, 19 de xullo, ás 20.00h, diante do Multiusos da Xunta en Lugo, en apoio e mostra de solidariedade coa veciñanza afectada pola lacra dos incendios forestais que está arrasando hectáreas de monte, calcinando aldeas e empobrecendo a biodiversidade dunha das áreas ecolóxicas máis ricas e vizosas de Galiza.

De xeito paralelo, en Ourense celebrarase outro acto reivindicativo, tamén ás 20.00, diante da Casa do Chocolate, sede da Xunta nesta cidade en solidariedade coa poboación afectada polos lumes do Macizo Central, o Invernadoiro, a Enciña da Lastra, Valdeorras e Oímbra e pola defensa efectiva dos espazos naturais protexidos.

• O reforzo especial dos dispositivos de prevención e extinción nos espazos naturais de maior valor ecolóxico e ambiental de Galiza, agora e durante todo o ano.
• Accións inmediatas nas zonas queimadas para evitar a erosión destes solos de extraordinaria importancia e procuar o antes posible a súa restauración.
• O impulso decidido de políticas estruturais que preserven a biodiversidade natural, restauren os ecosistemas danados e recuperen usos tradicionais dos montes, como o pastoreo ou o uso multifuncional do monte, que contribúen a fixar poboación e a afastar os lumes.

Asiste e difunde!!