Do 22-02-2014 ao 23-02-2014

Xornadas rurais na Eira da Xoana: O rural galego pide xente!

A cada momento son mais os lugares que fican abandonados. Casas e leiras son pasto das silveiras e o noso rural empobrécese ao tempo que a povoación avelléntase e desaparece. Mais esta situación non é casual. A agricultura e a ganderia sufriron o embate das políticas ditadas pola Unión Europea e o grande capital, que lonxe de buscar dinamizar e facer do medio rural unha opción de vida para os mozos e mozas, rurais ou non,  planexaron a destrución e o desmantelamento que nos leva á dificil situación actual.

Mais ao tempo xente nova chega ao noso rural. Uns/unhas empeñanse en levar adiante as explotacións familiares, con novas ideas e novos proxectos.  Outros/as acheganse por primeira vez ao campo desenvolvendo novas actividades ou recuperando vellos oficios con novos folgos e moita imaxinación. Distintos proxectos, distintas visións, mais unha reflexión coincidente: o noso agro ten futuro.

Este é o motivo destas Xornadas: coñezámonos, compartamos as nosas experiencias, os nosos erros e os nosos acertos, as nosas ilusións e e os nosos medos, reflexionemos sobre o noso futuro,  desde os proxetos persoais aos comunais, desde a multifuncionalidade, a ecoloxia, o respeito polo medio e co ollar posto na nosa soberania alimentar. Cremos que o noso rural ten futuro, mais teremos que escribilo entre todos e todas nós, e non deixar, outra vez, que sexan outros quen o fagan.

Máis información:

Ligazóns

• Blog da Eira da Xoana
• Blog das Xornadas Rurais