02-10-2021
Para comezar o outono con bo pé, desde o Couto da Eirexiña, proxecto promovido pola Comunidade de Monte Veciñal de Rebordelo e ADEGA-Vigo, faremos esta actividade de restauración de charcas que terá lugar o vindeiro sábado 2 de outubro, nos montes de Rebordelo (Cerdedo-Cotobade). Durante esta actividade actuaremos nun sistema de charcas en custodia co fin de mellor estes hábitats de enorme importancia medio ambiental.
Ademais, coma sempre, faremos un xantar vexetariano e pola tarde realizaremos unha inspección de biodiversidade polo río Almofrei.
Podes inscribirte nesta actividade cubrindo o seguinte formulario:FormularioA data límite para a inscrición nesta actividade será o vindeiro xoves 30 de setembro ás 13:00h, co fin de que poidamos ter tempo para formalizar o seguro e o xantar. A actividade estará limitada a un máximo de 20 persoas, e para realizala será obrigatoria a utilización de máscaras, ademais de manter a distancia de 1.5-2 metros.
Tamén, se tes algunha pregunta, podes contactar a través do correo adegavigo@adega.gal
Agardámoste!
9:45 h – Punto de encontro no estadio As Extremas (Carballedo)
10:00 h – Inicio da actividade de restauración de charcas
14:00 h – Xantar vexetariano no río Almofrei16:00 h – Descuberta de biodiversidade no río Almofrei
18:00 h – Fin da xornada
* A actividade inclúe os seguros de responsabilidade civil e de accidentes ademais do xantar vexetariano
ADEGA / Asociación para a defensa ecolóxica de Galiza
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email: adega@adega.gal