08-11-2015

VIII Feira na Eira da Xoana

O vindeiro domingo 8 de novembro terá lugar na Eira da Xoana a Feira de Outono da Eira na que se poderán mercar produtos locais, ecolóxicos e artesanais e onde haberá ademais obradorios, charlas, actuacións musicais, etc.

Esta será a VIII edición dunha Feira que pretende potenciar o comercio local e de proximidade, dar a coñecer produtores/as e artesáns respectuosos/as co medio e promover o consumo responsábel e sostíbel.

Tamén é unha xornada de divulgación sobre proxectos relacionados co ambiente e o consumo sostíbel que se están a desenvolver polo país, así como un encontro da cultura e música populares.

Como novidade,  incorporamos nesta edición un posto de troco para intercambiar aquelas cousas que xa non uses, e que lle poidan interesar a outras persoas.

Lembra que poderás xantar na Eira da Xoana por un módico prezo, previa merca dos tikets de consumición.

Se queres levar o teu posto de venda á Feira da Eira, debes cubrir un formulario de inscrición.

Obtén información do programa completo en eiradaxoana.gal

Ligazóns

• Folla de inscrición para colocar un posto na Feira da Eira da Xoana.
• Información da Eira da Xoana e das súas feiras
• Descarga o cartaz da VIII Feira na Eira da Xoana
• Páxina web da Eira da Xoana

Descargas

• Consulta o programa completo da Feira