Inicio / Axenda / Educación ambiental / I Congreso Europeo e V Xornadas Estatais de...
Do 05-11-2014 ao 08-11-2014
Do 5 ao 8 de novembro celebraranse en Barcelona as V Xornadas Estatais e o primeiro Congreso Europeo de Custodia do Territorio.
ADEGA participará nos dous eventos presentando proxectos desenvolvidos pola entidade no eido da Custodia do territorio como Charcas con Vida.
O obxectivo tanto das xornadas como do congreso será facilitar o intercambio de boas prácticas e experiencias entre organizacións estatais e doutros países europeos. O congreso axudará a xerar ideas, e suxerir direccións e propostas para o futuro da custodia do territorio en Europa.
O congreso terá 6 eixos temáticos: custodia do territorio e políticas sectoriais e europeas; implementación técnica da custodia do territorio; traballo en rede e participación dos actores do territorio e da cidadanía; financiación da custodia do territorio; comunicación da custodia do territorio e impulso á innovación na custodia do territorio.
No congreso se debatirá e presentará a Declaración de Barcelon asobre custodia do territorio, que tentará establecer as bases precisas para contribuir ao desenvolvemento da custodia a escala rexional e europea.
ADEGA presentará tanto nas xornadas estatais coma no congreso as iniciativas de Charcas con Vida e outras iniciativas de Proxecto Ríos como o Proxecto de Custodia Fluvial nas Bacías do Ulla Umia e Lérez, así como o seu novo Manual de Custodia Fluvial.
ADEGA / Asociación para a defensa ecolóxica de Galiza
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email: adega@adega.gal
