24-04-2025

Eliminación de invasoras no río Tambre

ADEGA organiza unha nova xornada de voluntariado no río Tambre, ao seu paso polo concello de Ames, no marco do proxecto Fluviatilis. Terá lugar o próximo xoves, 24 de abril, de 17:00 a 20:00 horas. Nesta ocasión, continuaremos coa eliminación de Tradescantia fluminensis no río Tambre, facendo labores de seguimento das xornadas anteriores e actuando sobre os posibles rebrotes. En accións anteriores, para evitar a propagación da planta, realizouse un sombreado artificial nas parcelas obxectivo, que foi retirado en decembro de 2024. Valorarase a efectividade desta técnica de control e continuaremos retirando de maneira manual os rebrotes que foran xurdindo. Para fortalecer estas accións, faremos unha revexetación na zona con plantas autóctonas.

Programa

17:00 h.- Recepción do voluntariado participante
17:15 h.- Introdución á problemática das EEI nos ecosistemas fluviais
17:45 h.- Desprazamento ata a zona de traballo
18:00 h.- Eliminación de Tradescantia fluminensis e revexetación
19:00 h.- Descanso
19:30 h.- Recollida dos restos eliminados e avaliación da actuación
20:00 h.- Remate da actividade

Inscríbete

Para acudir, necesítase inscrición previa no seguinte correo electrónico: pacobanhobre@adega.gal. Indica o teu nome, apelidos, D.I. e teléfono de contacto. Anímate!