Inicio / Axenda / Educación ambiental / Exposición sobre invasoras en Salceda de...
Do 10-03-2025 ao 26-03-2025
O IES Pedras Rubias de Salceda de Caselas é a nova parada da exposición Unha invasión silenciosa: a biodiversidade ameazada, de ADEGA. A asociación achega así ao alumnado os problemas que presentan as especies exóticas invasoras no medio natural. En concreto, a exposición instálase o luns 10 de marzo e estará dispoñible para consulta ata o 26 de marzo.
Durante este tempo, o alumnado poderá analizar os contidos da exposición e realizar actividades de sensibilización sobre a ameaza das especies invasoras nos ecosistemas fluviais. O último día da mostra, o persoal de ADEGA tamén fará unha saída ao río coa rapazada para analizar a súa calidade e coñecer de primeira man os impactos das invasoras.
ADEGA continúa coas actividades programadas dentro do Proxecto Fluviatilis, que conta co apoio da Fundación Biodiversidade do Ministerio para a Transición Ecolóxica e o Reto Demográfico (MITECO) no marco do Plan de Recuperación, Transformación e Resiliencia (PRTR ), financiado pola Unión Europea - NextGenerationEU.
ADEGA / Asociación para a defensa ecolóxica de Galiza
Avenida de Castelao, 20-Baixo 15704 Santiago de Compostela
Tlf/Fax: 981 570 099 Email: adega@adega.gal
