20-10-2023

Xornadas de FDXCC: Transición enerxética e territorios periféricos

O vindeiro venres, 20 de outubro, en Castropol terá lugar unha Xornada sobre Transición Enerxética e territorios periféricos organizada polo Fondo para a Defensa Xurídica da Cordilleira Cantábrica, da que fai parte ADEGA, e pola Plataforma para la Defensa de la Cordillera Cantábrica.

Esta xornadas de debate e encontro pretende chamar a atención sobre a enxurrada de complexos eólicos (500) que xa existen actualmente na Cordilleira Cantábrica, que xa suman máis de 9000 aeroxeradores, aos que se pretenden engadir outros 400 proxectos en tramitación cun total de 4000 turbinas de nova xeración. Estes novos aeroxeradores teñen un maior impacto sobre a biodiversidade e a paisaxe, polo seu tamaño e a necesidade de maiores infraestruturas asociadas, liñas eléctricas e pistas de acceso. 

Outro dos obxectivos será reflexionar xunto coas entidades do FDXCC e outras que queiran participar no encontro, sobre os traballos realizados e cales poderían ser as novas iniciativas de colaboración. Tamén se pretende dar cabida e espazos a novas loitas territoriais, algunhas xurdidas no eido comarcal (O Bierzo), outras que acaban de nacer e que precisan de apoio (Oscos-Eo) e outars de fóra da contorna cantábrica (Canal Roya, en Perineos). 

Tamén ADEGA participará, a través da súa secretaria executiva, Belén Rodríguez, na mesa de experiencias de colectivos.

As xornadas terán lugar na Casa de Cultura de Castropol, de 17:00 a 21:00 horas.

Programa

Ligazóns

• Web FDXCC